വ്യ​ത്യ​സ്ത മ​ത​വി​ഭാ​ഗ​ങ്ങ​ളി​ൽ​പ്പെ​ട്ട ക​മി​താ​ക്ക​ൾ വി​വാ​ഹി​ത​രാ​യി; കോടതി പരിസരത്ത് ബന്ധുക്കൾ തമ്മിൽ പൊരിഞ്ഞ തമ്മിൽതല്ല്

ക​ണ്ണൂ​ർ: വ്യ​ത്യ​സ്ത മ​ത​വി​ഭാ​ഗ​ങ്ങ​ളി​ൽ​പ്പെ​ട്ട ക​മി​താ​ക്ക​ൾ വി​വാ​ഹി​ത​രാ​യി കോ​ട​തി​യി​ൽ ഹാ​ജ​രാ​യ​പ്പോ​ൾ വ​ധൂ-​വ​ര​ൻ​മാ​രു​ടെ ബ​ന്ധു​ക്ക​ൾ സം​ഘ​ടി​ച്ചെ​ത്തി സം​ഘ​ർ​ഷ​മു​ണ്ടാ​ക്കാ​ൻ ശ്ര​മി​ച്ച സം​ഭ​വ​ത്തി​ൽ 25 പേ​ർ​ക്കെ​തി​രേ ജാമ്യമില്ലാ വകുപ്പ് പ്രകാരം ക​ണ്ണൂ​ർ ടൗ​ൺ പോ​ലീ​സ് കേ​സെ​ടു​ത്തു. എ​സ്ഡി​പി​ഐ, പോ​പ്പു​ല​ർ​ഫ്ര​ണ്ട് പ്ര​വ​ർ​ത്ത​ക​രാ​യ കോ​യി​യോ​ട്ടെ അ​ർ​ഷാ​ദ് ഉ​ൾ​പ്പെ​ടെ 15പേ​ർ​ക്കെ​തി​രേ​യും ഹി​ന്ദു ഐ​ക്യ​വേ​ദി, ആ​ർ​എ​സ്എ​സ് പ്ര​വ​ർ​ത്ത​ക​രാ​യ വെ​ള്ള​ച്ചി സ​ജി​ത്ത് ഉ​ൾ​പ്പെ​ടെ പ​ത്ത് പേ​ർ​ക്കെ​തി​രേ​യു​മാ​ണ് കേ​സെ​ടു​ത്ത​ത്.

ഇ​ന്ന​ലെ വൈ​കു​ന്നേ​രം ക​ണ്ണൂ​ർ കോ​ട​തി വ​ള​പ്പി​ലാ​ണ് നാ​ട​കീ​യ രം​ഗ​ങ്ങ​ൾ അ​ര​ങ്ങേ​റി​യ​ത്. നീ​ർ​ച്ചാ​ൽ സ്വ​ദേ​ശി​യാ​യ യു​വാ​വ് മീ​ങ്കു​ന്ന് സ്വ​ദേ​ശി​നി​യാ​യ യു​വ​തി​യെ​യാ​ണ് വി​വാ​ഹം ചെ​യ്ത​ത്. പ്ര​ണ​യ​ത്തി​ലാ​യി​രു​ന്ന ഇ​രു​വ​രെ​യും ക​ഴി​ഞ്ഞ​ദി​വ​സം മു​ത​ൽ കാ​ണാ​നി​ല്ലാ​യി​രു​ന്നു. ഇ​ന്ന​ലെ വൈ​കു​ന്നേ​രം മ​ജി​സ്ട്രേ​റ്റി​ന്‍റെ വ​സ​തി​യി​ൽ ഇ​രു​വ​രും ഹാ​ജ​രാ​കു​ക​യാ​യി​രു​ന്നു.

വി​വ​ര​മ​റി​ഞ്ഞ പെ​ൺ​കു​ട്ടി​യു​ടെ ബ​ന്ധു​ക്ക​ൾ കോ​ട​തി പ​രി​സ​ര​ത്തെ​ത്തി കു​ട്ടി​യെ കൂ​ട്ടി​ക്കൊ​ണ്ടു​പോ​കാ​ൻ ശ്ര​മം ന​ട​ത്തി​യ​ത് യു​വാ​വി​ന്‍റെ സു​ഹൃ​ത്തു​ക്ക​ളും ബ​ന്ധു​ക്ക​ളും ചോ​ദ്യം​ചെ​യ്തു. സം​ഘ​ർ​ഷാ​വ​സ്ഥ​യെ തു​ട​ർ​ന്ന് പോ​ലീ​സും സ്ഥ​ല​ത്തെ​ത്തി​യി​രു​ന്നു. തു​ട​ർ​ന്ന് കോ​ട​തി​വ​ള​പ്പി​ൽ ത​ടി​ച്ചു​കൂ​ടി​യ​വ​രെ ഒ​ഴി​വാ​ക്കി പോ​ലീ​സ് ഗേ​റ്റ​ട​ച്ചു. യു​വാ​വി​നൊ​പ്പം പോ​കാ​നാ​ണ് താ​ത്പ​ര്യ​മെ​ന്ന് യു​വ​തി പ​റ​ഞ്ഞ​തോ​ടെ മ​ജി​സ്ട്രേ​റ്റ് ഇ​തി​ന് അ​നു​മ​തി ന​ൽ​കി. തു​ട​ർ​ന്ന് പോ​ലീ​സ് കാ​വ​ലി​ലാ​ണ് യു​വ​തി​യും യു​വാ​വും മ​ട​ങ്ങി​യ​ത്.