തൃശൂർ: ഗുരുവായൂർ കരുണ ഫൗണ്ടേഷന്‍റെ വൈവാഹിക സംഗമത്തിലൂടെ വിവാഹിതരാകാൻ തീരുമാനിച്ച 14 ഭിന്നശേഷിക്കാരായ യുവതീയുവാക്കളുടെ വിവാഹം ഒന്പതിനു ഗുരുവായൂർ മുനിസിപ്പൽ ടൗണ്‍ഹാളിൽ നടക്കുമെന്നു ഭാരവാഹികൾ പത്രസമ്മേളനത്തിൽ അറിയിച്ചു.
വിവാഹിതരാകുന്ന ഏഴുജോടി ദന്പതികളുടേയും വസ്ത്രം, സ്വർണം, വിവാഹസദ്യ എന്നിവയെല്ലാം കരുണ ഫൗണ്ടേഷനാണ് വഹിക്കുക. ഇതുവരെ 410ഓളം വിവാഹങ്ങൾ നടത്തിയ ചരിത്രമുണ്ട് ഫൗണ്ടേഷന്. ഈ ദന്പതികളെല്ലാം നല്ല നിലയിൽ ജീവിക്കുന്നുണ്ടെന്നും ഫൗണ്ടേഷൻ ഭാരവാഹികൾ പറഞ്ഞു.
അടുത്ത വൈവാഹിക സംഗമം 2020 ജനുവരി 19നാണ് നടക്കുകയെന്നും പത്രസമ്മേളനത്തിൽ പങ്കെടുത്ത സെക്രട്ടറി രവി ചങ്കത്ത്, വേണുഗോപാൽ, ഫാരിദ ഹംസ എന്നിവർ അറിയിച്ചു.
