കട്ടപ്പന: പതിനാറുകാരിയെ പീഡിപ്പിച്ച യുവാവ് പിടിയിൽ. കട്ടപ്പന വെട്ടിക്കുഴക്കവല ചെറുവള്ളി റിനുമോൻ(21) ആണ് പിടിയിലായത്. 2016 ഏപ്രിൽമുതൽ ഇയാൾ പെണ്‍കുട്ടിയെ പീഡിപ്പിച്ചു വരികയായിരുന്നു. ബന്ധുവായ ഇയാൾ പെണ്‍കുട്ടിയുടെ വീട്ടിൽ മറ്റാരും ഇല്ലാതിരുന്ന സമയത്തെത്തി വിവാഹവാഗ്ദാനം ചെയ്താണ് പീഡിപ്പിച്ചത്.
ഇതിനുശേഷം പെണ്‍കുട്ടിയുടെ സുഹൃത്തിന്‍റെ നിർദേശാനുസരണം വിവാഹം റജിസ്റ്റർ ചെയ്യാൻ ശ്രമിച്ചു. എന്നാൽ പെണ്‍കുട്ടിക്ക് പ്രായപൂർത്തിയാകാത്തതിനാൽ ഈ ശ്രമം പരാജയപ്പെട്ടു. ഇതോടെ പെണ്‍കുട്ടിയുടെ വീട്ടുകാർ ഇക്കാര്യം അറിഞ്ഞു. ഇതിനിടെയാണ് ശൈശവ വിവാഹം നടന്നെന്ന് ചൈൽഡ് ലൈന് സൂചന ലഭിച്ചത്. പ്രതിയെ കോടതിയിൽ ഹാജരാക്കി.
