കു​ട്ടി​ക​ൾ​ക്ക് കു​ത്തി​വ​യ്പ്പിനായുള്ള മരുന്നുകൾ തലേദിവസമേ സിറിഞ്ചിൽ നിറച്ചെന്നു പരാതി; സംഭവം മൂവാറ്റുപുഴ ജനറൽ ആശുപത്രിയിൽ 

മൂ​വാ​റ്റു​പു​ഴ: കു​ട്ടി​ക​ൾ​ക്ക് എ​ടു​ക്കേ​ണ്ട കു​ത്തി​വ​യ്പ്പ് മ​രു​ന്നു​ക​ൾ ത​ലേ​ദി​വ​സം രാ​ത്രി സി​റി​ഞ്ചി​ൽ നി​റ​ച്ചു​വ​ച്ച സം​ഭ​വം വി​വാ​ദ​മാ​കു​ന്നു. മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി​യി​ലെ കു​ട്ടി​ക​ളു​ടെ വാ​ർ​ഡി​ൽ ക​ഴി​ഞ്ഞ രാ​ത്രി​യാ​യി​രു​ന്നു സം​ഭ​വം. ആ​റു​മാ​സം മു​ത​ൽ 15 വ​യ​സു​വ​രെ​യു​ള്ള 17 കു​ട്ടി​ക​ളാ​ണ് ആ​ശു​പ​ത്രി​യി​ൽ ചി​കി​ത്സ​യി​ലു​ള്ള​ത്.

രാ​ത്രി എ​ട്ടി​ന് കു​ട്ടി​ക​ൾ​ക്ക് ആ​ന്‍റി​ബ​യോ​ട്ടി​ക് ഇ​ഞ്ച​ക്ഷ​ൻ ന​ൽ​കി​യി​രു​ന്നു. അ​തി​നു​ശേ​ഷം ഇ​ന്ന് പു​ല​ർ​ച്ചെ അ​ഞ്ചി​നാ​ണ് കു​ത്തി​വ​യ്പ്പ് ന​ൽ​കേ​ണ്ട​ത്. എ​ന്നാ​ൽ ഇ​ന്ന​ലെ രാ​ത്രി പ​ത്തോ​ടെ സി​റി​ഞ്ചു​ക​ളി​ൽ മ​രു​ന്നു നി​റ​ച്ച് വ​ച്ചി​രി​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ട കു​ട്ടി​ക​ളു​ടെ അ​മ്മ​മാ​ർ ചോ​ദ്യം ചെ​യ്ത​തോ​ടെ ബ​ഹ​ള​മാ​യി. സം​ഭ​വ​മ​റി​ഞ്ഞ് കു​ട്ടി​ക​ളു​ടെ ബന്ധുക്കളും ആ​ശു​പ​ത്രി​യി​ലെ​ത്തി.

ചോ​ദ്യം ചെ​യ്ത​തോ​ടെ ബ​ഹ​ള​മാ​യി. ഇ​തി​നി​ടെ നി​റ​ച്ചു​വ​ച്ച മ​രു​ന്നു​ക​ൾ ന​ശി​പ്പി​ക്കു​ക​യും ഡ്യൂ​ട്ടി ന​ഴ്സി​നെ മാ​റ്റി പ​ക​രം ആ​ളെ നി​യ​മി​ക്കു​ക​യും ചെ​യ്തു. ശാ​രീ​രി​കാ​സ്വ​സ്ഥ്യം ഉ​ള്ള​തു​കൊ​ണ്ട് ന​ഴ്സ് നേ​ര​ത്തെ മ​രു​ന്നു​ക​ൾ നി​റ​ച്ചു​വ​ച്ച​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം. എന്നാൽ ത​ലേ​ദി​വ​സം സി​റി​ഞ്ചു​ക​ളി​ലാ​ക്കി വ​ച്ച ന​ട​പ​ടി​ക്കെ​തി​രേ മാ​താ​പി​താ​ക്ക​ൾ​ഡെ​പ്യൂ​ട്ടി സൂ​പ്ര​ണ്ടി​ന് പ​രാ​തി ന​ൽ​കി​യി​രി​ക്കു​ക​യാ​ണ്.