മ​ത്താ​യി​യു​ടെ മ​ര​ണ​ത്തി​ലെ ദു​രൂ​ഹ​ത​ക​ൾ തു​ട​രു​ന്നു; വ​ന​പാ​ല​ക​രെ ചോ​ദ്യം ചെ​യ്യാ​തെ പോ​ലീ​സും

പ​ത്ത​നം​തി​ട്ട: വ​ന​പാ​ല​ക​രു​ടെ ക​സ്റ്റ​ഡി​യി​ലാ​യി​രു​ന്ന അ​രീ​ക്ക​ക്കാ​വ് സ്വ​ദേ​ശി മ​ത്താ​യി കു​ട​പ്പ​ന​യി​ലെ കു​ടും​ബ​വീ​ടി​നോ​ടു ചേ​ർ​ന്ന കി​ണ​റ്റി​ൽ മ​രി​ച്ചു​കി​ട​ന്ന സം​ഭ​വ​ത്തി​ൽ അ​ന്വേ​ഷ​ണ​ത്തി​ൽ കാ​ര്യ​മാ​യ പു​രോ​ഗ​തി​യി​ല്ല.

ചി​റ്റാ​ർ പോ​ലീ​സ് ന​ട​ത്തി​വ​ന്ന അ​ന്വേ​ഷ​ണം ഇ​ന്ന​ലെ മു​ത​ൽ പ​ത്ത​നം​തി​ട്ട ജി​ല്ലാ ക്രൈം​ബ്രാ​ഞ്ചി​നു കൈ​മാ​റി​യി​ട്ടു​ണ്ട്. ഡി​വൈ​എ​സ്പി ആ​ർ. പ്ര​ദീ​പ്കു​മാ​റി​നാ​ണ് അ​ന്വേ​ഷ​ണ​ച്ചു​മ​ത​ല.

മ​ത്താ​യി​യു​ടെ മ​ര​ണ​ത്തെ സം​ബ​ന്ധി​ച്ച് ശ​രി​യാ​യ വി​വ​രം കി​ട്ട​ണ​മെ​ങ്കി​ൽ വ​ന​പാ​ല​ക​രെ ക​സ്റ്റ​ഡി​യി​ൽ എ​ടു​ത്ത് ചോ​ദ്യം ചെ​യ്യ​ണം. അ​തി​ന് പ​ക്ഷേ, പോ​ലീ​സ് ത​യാ​റാ​യി​ട്ടി​ല്ല.

മ​രി​ക്കു​ന്ന​തി​ന് ഏ​താ​നും മി​നി​ട്ടു മു​ന്പും മ​ത്താ​യി ഭാ​ര്യ ഷീ​ബ​യോ​ടും ഒ​പ്പ​മു​ണ്ടാ​യി​രു​ന്ന​വ​രോ​ടും അ​രു​ണ്‍ എ​ന്ന​യാ​ളു​ടെ ഫോ​ണ്‍ മു​ഖേ​നെ സം​സാ​രി​ച്ചി​രു​ന്നു.

വ​ന​പാ​ല​ക​ർ​ക്കൊ​പ്പ​മു​ണ്ടാ​യി​രു​ന്ന​താ​യി പ​റ​യു​ന്ന അ​രു​ണ്‍ വ​നം​വ​കു​പ്പ് ജീ​വ​ന​ക്കാ​ര​ന​ല്ല. കോ​ട്ട​പ്പാ​റ സ്വ​ദേ​ശി​യാ​യ ഇ​യാ​ളു​ടെ ഫോ​ണി​ൽ നി​ന്നു വി​ളി​ച്ചാ​ണ് മ​ത്താ​യി​യെ വി​ട്ട​യ്ക്കാ​ൻ പ​ണം ആ​വ​ശ്യ​പ്പെ​ട്ട​ത്. കാ​മ​റ ത​ക​ർ​ത്ത സം​ഭ​വ​ത്തി​ൽ അ​രു​ണി​നും പ​ങ്കു​ണ്ടാ​യി​രു​ന്നെ​ന്നാ​ണ് വ​ന​പാ​ല​ക​ർ പ​റ​യു​ന്ന​ത്.

അ​രു​ണി​നെ പോ​ലീ​സ് ഉ​ദ്യോ​ഗ​സ്ഥ​ർ ചോ​ദ്യം ചെ​യ്തി​രു​ന്നു. മ​ത്താ​യി​യെ ജാ​മ്യ​ത്തി​ലി​റ​ക്കാ​ൻ ചി​റ്റാ​ർ ഫോ​റ​സ്റ്റ് സ്റ്റേ​ഷ​നി​ലേ​ക്കു വ​രാ​ൻ ഭാ​ര്യ​യോ​ടു വ​ന​പാ​ല​ക​ർ പ​റ​ഞ്ഞി​രു​ന്നു.

ഇ​ത​നു​സ​രി​ച്ച് ര​ണ്ട് ആ​ൾ​ജാ​മ്യ​വും പ​ണ​വു​മാ​യി ഫോ​റ​സ്റ്റ് സ്റ്റേ​ഷ​നി​ലെ​ത്തി​യ​പ്പോ​ൾ ഇ​ത്ത​ര​മൊ​രു കേ​സി​നെ​ക്കു​റി​ച്ച് ആ​ളെ ക​സ്റ്റ​ഡി​യി​ലെ​ടു​ത്ത​തി​നെ​ക്കു​റി​ച്ചോ അ​വി​ടെ ഡ്യൂ​ട്ടി​യി​ലു​ണ്ടാ​യി​രു​ന്ന​വ​ർ​ക്ക് അ​റി​വു​ണ്ടാ​യി​രു​ന്നി​ല്ല.

ഭാ​ര്യ​യും ഒ​പ്പ​മു​ണ്ടാ​യി​രു​ന്ന ര​ണ്ട് സ്ത്രീ​ക​ളും സ​മീ​പ​വാ​സി​യും ചി​റ്റാ​റി​ൽ നി​ൽ​ക്കു​ന്പോ​ൾ ത​ന്നെ​യാ​ണ് കു​ടും​ബ​വീ​ടി​നു സ​മീ​പം അ​നി​ഷ്ട സം​ഭ​വ​ങ്ങ​ളു​ണ്ടാ​യെ​ന്ന വി​വ​രം ല​ഭി​ക്കു​ന്ന​ത്.

ചി​റ്റാ​റി​ലേ​ക്കു കൊ​ണ്ടു​പോ​യ മ​ത്താ​യി​യെ വീ​ണ്ടും കു​ടും​ബ​വീ​ടാ​യ കു​ട​പ്പ​ന​യ്ക്കു സ​മീ​പം എ​ത്തി​ച്ച​താ​യി പ​റ​യു​ന്നു​ണ്ട്. കാ​മ​റ​യു​ടെ മെ​മ്മ​റി കാ​ർ​ഡ് വീ​ണ്ടെ​ടു​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​യി​രു​ന്നു ഇ​തെ​ന്നും പ​റ​യു​ന്നു.

അ​തി​ന് ശേ​ഷം എ​ന്താ​ണ് ന​ട​ന്ന​തെ​ന്ന് ആ​രും പ​റ​യു​ന്നി​ല്ല. പോ​ലീ​സ് ചോ​ദി​ക്കു​ന്നു​മി​ല്ല. വ​ന​പാ​ല​ക​ർ സ്വ​യം പ​റ​യു​ന്നു​മി​ല്ല. റാ​ന്നി ഡി​എ​ഫ്ഒ വ​ന​പാ​ല​ക​രെ ന്യാ​യീ​ക​രി​ച്ച് മ​ത്താ​യി കി​ണ​റ്റി​ലേ​ക്ക് ചാ​ടി​യ​താ​യി പ​റ​യു​ന്നു​ണ്ട്.

എ​ന്നാ​ൽ മ​ത്താ​യി​യെ കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്ന ആ​രോ​പ​ണ​ത്തി​ൽ ഭാ​ര്യ​യും ബ​ന്ധു​ക്ക​ളും ഉ​റ​ച്ചു​നി​ൽ​ക്കു​ക​യാ​ണ്. ശ​ക്ത​മാ​യ ആ​ഘാ​ത​മേ​ൽ​പി​ച്ചെ​ങ്കി​ൽ മാ​ത്ര​മേ സം​ഭ​വ​സ്ഥ​ല​ത്തെ കി​ണ​റ്റി​ലേ​ക്ക് ഒ​രാ​ൾ വീ​ഴു​ക​യു​ള്ളൂ​വെ​ന്ന് പ്ര​ദേ​ശ​വാ​സി​ക​ളും പ​റ​യു​ന്നു. കി​ണ​റി​നു മു​ക​ളി​ൽ ആ​സ്ബ​സ്റ്റോ​സ് ഷീ​റ്റ് നി​ര​ത്തി​യി​രു​ന്നു.

റിം​ഗ് ഇ​റ​ക്കി​യ കി​ണ​റ്റി​ലേ​ക്കു​ള്ള വീ​ഴ്ച​യു​ടെ ആ​ഘാ​ത​ത്തി​ൽ ശി​ര​സി​ലു​ണ്ടാ​യ ആ​ഘാ​തം മ​ര​ണ​ത്തി​ന് ഇ​ട​യാ​ക്കി​യേ​ക്കാം. പോ​സ്റ്റു​മോ​ർ​ട്ടം റി​പ്പോ​ർ​ട്ടി​ൽ നി​ന്ന് മ​രി​ച്ച​ത് എ​ങ്ങ​നെ​യെ​ന്ന് മാ​ത്ര​മേ അ​റി​യാ​ൻ ക​ഴി​യൂ. അ​തി​നു​ശേ​ഷം അ​ന്വേ​ഷ​ണ​മാ​കാ​മെ​ന്ന നി​ഗ​മ​ന​ത്തി​ലാ​ണ് പോ​ലീ​സ്.