കിഴക്കമ്പലം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിലെ പ്രതി പിടിയിൽ.
കുന്നത്തുനാട് താമസമാക്കിയ ഇടുക്കി കൊന്നത്തടി സ്വദേശി മാത്യു (74)വിനെയാണ് കുന്നത്തുനാട് പോലീസ് അറസ്റ്റ് ചെയ്തത്.
കഴിഞ്ഞ ജനുവരിയിലാണ് സംഭവം. പീഡനവിവരം കുട്ടി അമ്മയെ അറിയിച്ചതിനെത്തുടർന്ന് അമ്മ പോലീസിൽ പരാതിപ്പെടുകയായിരുന്നു.
പെരുമ്പാവൂർ ഡിവൈഎസ്പി എൻ.ആർ. ജയരാജ്, കുന്നത്തുനാട് എസ്ഐ സി. ബിനുകുമാർ എന്നിവരുടെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്.
കോടതിയിൽ ഹാജരാക്കി റിമാൻഡ് ചെയ്തു.
