മദ്യശാലകൾ പൂട്ടണോ തുറക്കണോ എന്ന തർക്കം നമ്മുടെ നാട്ടിൽ തുടരുന്പോൾ അമേരിക്കയിലുള്ള ഒരു മദ്യശാലയിലെ ദ്യശ്യങ്ങൾ ഇന്‍റർനെറ്റിൽ വൈറലാകുകയാണ്. കലിഫോർണിയയിലെ റോയൽ ഓക്ക് മദ്യശാലയിലാണ് രസകരമായൊരു സംഭവം അരങ്ങേറിയത്. ആളുകൾ സമാധാനപരമായിവന്നു മദ്യം കുടിച്ചിട്ട് പോകുന്നതിനിടെ കടയിലേക്ക് ഒരു മയിൽ പാഞ്ഞു കയറി.
ആദ്യം എല്ലാവർക്കും ഇതൊരു കൗതുകകാഴ്ചയായിരുന്നു. പക്ഷെ പതുക്കെ പതുക്കെ കാര്യങ്ങൾ കൈവിട്ടുപോയി. കടയാകെ ഇഷ്ടപ്പെട്ടെന്ന മട്ടിൽ മയിൽ തന്‍റെ പീലിയൊക്കെ വിടർത്തി അങ്ങോട്ടുമിങ്ങോട്ടുമൊക്കെ പറക്കാൻ തുടങ്ങി. പറക്കലിന്‍റെ ഇടയ്ക്ക് കടയുടെ ഷെൽഫുകളിലുംമറ്റും അടുക്കിവച്ചിരുന്ന മദ്യക്കുപ്പികളൊക്കെ തട്ടിയിട്ടു പൊട്ടിച്ചു. ഒടുവിൽ വനംവകുപ്പിലെ ഉദ്യോഗസ്ഥരെത്തിയാണ് മയിലിനെ പിടികൂടിയത്. മയിലിന്റെ സന്ദർശനം 30,000 രൂപയുടെ നഷ്ടമാണ് കടയ്ക്കുണ്ടാക്കിയത്.
