മയ്യിൽ: മയ്യിൽ പോലീസ് സ്റ്റേഷൻ ലാൻഡ് ഫോണിലേക്ക് വിളിച്ചാൽ വിളിക്കുന്നയാൾ ചുറ്റിപോകും.
കാരണം മറുതലയക്കൽ നിന്ന് എന്താണ് പറയുന്നതെന്ന് ഈ ലോകത്ത് തന്നെ ആർക്കും മനസിലാകില്ല. ലൈനിന്‍റെ തകരാറ് മൂലം അപശബ്ദം മാത്രമാണ് കഴിഞ്ഞ ഒരാഴ്ചയായി കേൾക്കുന്നത്.
പോലീസ് സ്റ്റേഷൻ പോലുള്ള ഏറെ പ്രാധാന്യമുള്ള സ്ഥാപനങ്ങളിലെ ഫോണുകൾ തകരാറായാൽ യുദ്ധകാലാടിസ്ഥാനത്തിൽ റിപ്പയർ ചെയ്തു കൊടുക്കണമെന്നു നിർദേശമുണ്ടെങ്കിലും മയ്യിൽ സ്റ്റേഷന്‍റെ കാര്യത്തിൽഇതൊന്നും ബാധകമല്ലെന്ന നിലപാടാണ് ബിഎസ്എൻഎല്ലിന്‍റെ ഭാഗത്തു നിന്നുണ്ടാകുന്നതെന്നും ആക്ഷേപമുണ്ട്.
