തിരുവനന്തപുരം: വടക്കൻ ബംഗാൾ ഉൾക്കടലിൽ ബംഗാൾ-ബംഗ്ലാദേശ് തീരത്തിനടുത്തായി ഇന്നലെ രാവിലെ രൂപപ്പെട്ട ന്യൂനമർദം ഇന്ന് കൂടുതൽ ശക്തി പ്രാപിക്കുന്നതോടെ കേരളത്തിൽ ശനിയാഴ്ച വരെ കനത്തതോ അത്യന്തം കനത്തോ ആയ മഴയ്ക്കു സാധ്യതയുണ്ടെ ന്നു കാലാവസ്ഥാ നിരീക്ഷണകേന്ദ്രം അറിയിച്ചു.
ഇടുക്കി, പാലക്കാട് ജില്ലകളിൽ ഇപ്പോഴും ശക്തിയായ മഴ തുടരുകയുമാണ്. അതിതീവ്ര മഴയ്ക്കുള്ള സാധ്യത കണക്കിലെടുത്ത് സംസ്ഥാനത്തെങ്ങും ജാഗ്രതാ നിർദേശം നൽകിയിട്ടുണ്ട്.
ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഇന്നു മുതൽ ശനിയാഴ്ച വരെ ഓറഞ്ച് അലർട്ട് പ്രഖ്യാപിച്ചു.
