മ​ഴ​പെ​യ്താ​ൽ…ഈ ​റോ​ഡ് തോ​ടാ​കും; ഇ​ന്ദി​രാ​ജം​ഗ്ഷ​ൻ- ത്രി​വേ​ണി റോ​ഡ് ത​ക​ർ​ന്ന​ത് യാ​ത്രക്കാരെ വ​ല​യ്ക്കു​ന്നു

ആ​ല​പ്പു​ഴ: മാ​ന​മൊ​ന്ന് ഇ​രു​ണ്ടാ​ൽ റോ​ഡ് തോ​ടാ​കും. പി​ന്നെ നീ​ന്തി​വേ​ണം കാ​ൽ​ന​ട യാ​ത്ര​ക്കാ​ർ ഇ​തു​വ​ഴി​ സ​ഞ്ച​രി​ക്കാ​ൻ. ആ​ല​പ്പു​ഴ ന​ഗ​ര​സ​ഭ​യി​ലെ തോ​ണ്ട​ൻ​കു​ള​ങ്ങ​ര വാ​ർ​ഡി​ലൂ​ടെ ക​ട​ന്നു​പോ​കു​ന്ന പ്ര​ധാ​ന റോ​ഡാ​യ ഇ​ന്ദി​രാ ജം​ഗ്ഷ​ൻ – ത്രി​വേ​ണി റോ​ഡി​ലാ​ണ് ഈ ​ദു​:സ്ഥി​തി.

സ്കൂ​ൾ വി​ദ്യാ​ർ​ഥി​ക​ള​ട​ക്കം നൂ​റു​ക​ണ​ക്കി​ന് യാ​ത്ര​ക്കാ​രാ​ണ് റോ​ഡി​ലൂ​ടെ ദി​വ​സേ​ന ക​ട​ന്നു​പോ​കു​ന്ന​ത്. കാ​ല​വ​ർ​ഷ​മെ​ത്തു​ന്ന​തി​ന് മു​ന്പു​ത​ന്നെ റോ​ഡി​ന്‍റെ പ​ല ഭാ​ഗ​ങ്ങ​ളി​ലും ടാ​റിം​ഗ് ഇ​ള​കി കു​ഴി​ക​ൾ രൂ​പ​പ്പെ​ട്ടി​രു​ന്നെ​ങ്കി​ലും അ​റ്റ​കു​റ്റ​പ്പ​ണി​ക​ൾ ന​ട​ത്താ​ൻ അ​ധി​കൃ​ത​ർ ത​യാ​റാ​യി​രു​ന്നി​ല്ല.

മ​ഴ​യെ​ത്തി​യ​തോ​ടെ ഈ ​കു​ഴി​ക​ളി​ൽ വെ​ള്ളം നി​റ​യു​ക​യും ഇ​തോ​ടൊ​പ്പം റോ​ഡി​ന്‍റെ ഇ​രു​വ​ശ​ങ്ങ​ളി​ൽ നി​ന്നും വെ​ള്ളം ഒ​ഴു​കി​യെ​ത്തു​ക​യും കൂ​ടി ചെ​യ്ത​തോ​ടെ​യാ​ണ് പ​ല​യി​ട​ങ്ങ​ളി​ലും റോ​ഡ് തോ​ടാ​യി മാ​റി​യ​ത്. റോ​ഡി​ൽ നി​റ​ഞ്ഞ വെ​ള്ളം മൂ​ലം കു​ഴി​ക​ളു​ടെ ആ​ഴം അ​റി​യാ​തെ ഇ​രു​ച​ക്ര​വാ​ഹ​ന​യാ​ത്ര​ക്കാ​രും സൈ​ക്കി​ൾ​യാ​ത്ര​ക്കാ​രാ​യ വി​ദ്യാ​ർ​ഥി​ക​ളും അ​പ​ക​ട​ഭീ​ഷ​ണി​യി​ലാ​ണ് സ​ഞ്ച​രി​ക്കു​ന്ന​ത്.

ആ​ല​പ്പു​ഴ- കൂ​റ്റു​വേ​ലി റോ​ഡി​നെ​യും ത​ണ്ണീ​ർ​മു​ക്കം- ആ​ല​പ്പു​ഴ റോ​ഡി​നെ​യും ത​മ്മി​ൽ ബ​ന്ധി​പ്പി​ക്കു​ന്ന ഈ ​റോ​ഡ് ന​ഗ​ര​ത്തി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​ന്പോ​ൾ വാ​ഹ​ന​ങ്ങ​ൾ സ​മാ​ന്ത​ര​പാ​ത​യാ​യി ഉ​പ​യോ​ഗി​ക്കു​ന്ന​താ​ണ്. വി​ദ്യാ​ഭ്യാ​സ സ്ഥാ​പ​ന​വും നി​ര​വ​ധി സ്വ​കാ​ര്യ സ്ഥാ​പ​ന​ങ്ങ​ളും റോ​ഡി​ന്‍റെ ഇ​രു​വ​ശ​ങ്ങ​ളി​ലു​മാ​യി സ്ഥി​തി ചെ​യ്യു​ന്നു​ണ്ട്. ഇ​വി​ടേ​ക്കെ​ത്തേ​ണ്ട​വ​ർ റോ​ഡി​ന്‍റെ ശോ​ച​നീ​യാ​വ​സ്ഥ മൂ​ലം ബു​ദ്ധി​മു​ട്ടു​ക​യാ​ണ്.