മുംബൈ: മഹാരാഷ്ട്രയിലെ സതാറയില്‍ എംബിബിഎസ് വിദ്യാര്‍ഥിനി കെട്ടിടത്തില്‍നിന്നു വീണുമരിച്ച സംഭവത്തിൽ സഹപാഠിയും കാമുകനുമായ യുവാവ് അറസ്റ്റിൽ.
ധ്രുവ് ചിക്കാരയാണ് പിടിയിലായത്. കൃഷ്ണ മെഡിക്കൽ കോളജിലെ എംബിബിഎസ് വിദ്യാര്‍ഥിനിയായിരുന്ന 21കാരിയാണു മരിച്ചത്. വിദ്യാർഥിനി താമസിച്ചിരുന്ന ഫ്ളാറ്റിന്‍റെ മുകളിൽനിന്നു താഴേക്കു തള്ളിയിടുകയായിരുന്നു.
രണ്ട് വര്‍ഷമായി ഇരുവരും തമ്മില്‍ അടുപ്പത്തിലായിരുന്നുവെന്നും പിന്നീട് ചില പ്രശ്‌നങ്ങളുണ്ടായതായും പോലീസ് കണ്ടെത്തിയിരുന്നു. സംഭവദിവസം യുവാവ് ഫ്ലാറ്റിൽ എത്തുകയും ഇരുവരും തമ്മില്‍ തര്‍ക്കമുണ്ടാവുകയും ചെയ്തു. ഇതിനിടെ യുവാവ് പെണ്‍കുട്ടിയെ തള്ളിയിടുകയായിരുന്നു.
