കൊച്ചി: കോളജ് വിദ്യാര്‍ഥികള്‍ക്കും ടെക്കികള്‍ക്കുമിടയില്‍ മാരക ലഹരി മരുന്ന് വില്‍പ്പന നടത്തി വന്നിരുന്ന യുവതി ഉള്‍പ്പെടെ മൂന്നു പേരെ എംഡിഎംഎയുമായി പോലീസ് പിടികൂടി.
മലപ്പുറം പെരിന്തല്‍മണ്ണ വെല്ലിയന്‍ചേരി കപ്പില്‍ സനില്‍ (27), തിരുവല്ല കുളങ്ങര ഗുരുകൃപയില്‍ അഭിമന്യു (27), തിരുവനന്തപുരം വള്ളക്കടവ് വരാഹം ശിവശക്തിയിൽ അമൃത (26) എന്നിവരെയാണ് ഇന്‍ഫോപാര്‍ക്ക് പോലീസും ഡാന്‍സാഫും ചേര്‍ന്ന് പിടികൂടിയത്.
ഇവരില്‍നിന്ന് 28 ഗ്രാം എംഡിഎംഎ പോലീസ് പിടിച്ചെടുത്തു.പ്രതികളായ അഭിമന്യുവും അമൃതയും കായികാധ്യാപകരാണ്.
കുറച്ചു ദിവസങ്ങളായി ഡാന്‍സാഫ് എസ്‌ഐ രാമചന്ദ്രബോസിന്‍റെ നേതൃത്വത്തിൽ ഇവരെ നിരീക്ഷിച്ചുവരികയായിരുന്നു. പ്രതികളെ കോടതിയില്‍ ഹാജരാക്കി.
