മെഡിക്കൽ കോളജിൽ പാ​ർ​ട്ട്ടൈം ​ജീ​വ​ന​ക്കാ​രു​ടെ ഹാ​ജ​ർ​ബു​ക്ക് മോഷ്‌‌ടിച്ചു; മൂന്ന് ദിവസത്തിനകം തിരികെ വന്നില്ലെങ്കിൽ ജീവനക്കാരെല്ലാം മോഷണക്കേസിലെ പ്രതികളാകുമെന്ന് പോലീസ്

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പാ​ർ​ട്ട്ടൈം ജീ​വ​ന​ക്കാ​രു​ടെ ഹാ​ജ​ർ​ബു​ക്ക് കാ​ണാ​നി​ല്ല. ജീ​വ​ന​ക്കാ​ർ​ക്കെ​തി​രേ ആ​ശു​പ​ത്രി അ​ധി​കൃ​ത​ർ പോ​ലീ​സി​ൽ പ​രാ​തി ന​ൽ​കി. പ​രാ​തി​യെ തു​ട​ർ​ന്ന് പാ​ർ​ട്ട്ടൈം ജീ​വ​ന​ക്കാ​രെ സ്റ്റേ​ഷ​നി​ൽ വി​ളി​ച്ചു വ​രു​ത്തി ചോ​ദ്യം ചെ​യ്തെ​ങ്കി​ലും ആ​രും ബുക്ക് എ​ടു​ത്തി​ട്ടി​ല്ലെ​ന്ന് മ​റു​പ​ടി ന​ൽ​കി. ആ​രെ​ങ്കി​ലും ഹാ​ജ​ർ ബു​ക്ക് എ​ടു​ത്തി​ട്ടു​ണ്ടെ​ങ്കി​ൽ മൂ​ന്നു ദി​വ​സ​ത്തി​ന​കം തി​രി​ച്ചേ​ൽ​പ്പി​ക്കു​വാ​ൻ പോ​ലീ​സ് സ​മ​യം ന​ല്കി. ഇ​ല്ലെ​ങ്കി​ൽ കേ​സെ​ടു​ക്കു​മെ​ന്നാ​ണ് പോ​ലീ​സ് മു​ന്ന​റി​യി​പ്പ്.

ര​ണ്ടു വ​ർ​ഷം പ​ഴ​ക്ക​മു​ള്ള ഹാ​ജ​ർ ബു​ക്ക് ഒ​രു മാ​സം മു​ൻ​പാ​ണ് മോ​ഷ​ണം പോ​യ​ത്. 26 പാ​ർ​ട്ട്ടൈം ജീ​വ​ന​ക്കാ​രാ​ണ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലു​ള്ള​ത്. മോ​ഷ​ണം പോ​യ​ത​റി​ഞ്ഞ് പാർട്ട് ടൈം ജീവനക്കാരുടെ ചു​മ​ത​ല​ക്കാ​ര​നാ​യ ഉദ്യോഗസ്ഥൻ ജീ​വ​ന​ക്കാ​രെ വി​ളി​ച്ചു ചോ​ദി​ച്ചെ​ങ്കി​ലും മോ​ഷ​ണം പോ​യ​തി​ൽ ത​ങ്ങ​ൾ​ക്ക് പ​ങ്കി​ല്ലെ​ന്ന് ജീവനക്കാർ അ​റി​യി​ച്ചു. തു​ട​ർ​ന്ന് ഉദ്യോഗസ്ഥൻ വി​വ​രം ആ​ശു​പ​ത്രി സൂ​പ്ര​ണ്ടി​ന് കൈ​മാ​റു​ക​യാ​യി​രു​ന്നു. ആ​ശു​പ​ത്രി​യി​ലെ ര​ഹ​സ്യ മു​റി​യി​ൽ സൂ​ക്ഷിക്കു​ന്ന സ​ർ​ക്കാ​ർ രേ​ഖ മോ​ഷ​ണം പോ​യ​തി​നാ​ൽ പോ​ലീ​സി​ൽ പ​രാ​തി ന​ൽ​കു​വാ​ൻ നി​ർ​ദ്ദേ​ശി​ക്കു​ക​യാ​യി​രു​ന്നു സൂ​പ്ര​ണ്ട്.

പ​രാ​തി​യു​ടേ അ​ടി​സ്ഥാ​ന​ത്തി​ൽ 26പേരെ​യും മൂ​ന്നു ഘ​ട്ട​ങ്ങ​ളി​ലാ​യി സ്റ്റേ​ഷ​നി​ൽ വി​ളി​പ്പി​ച്ചാ​ണ് ചോ​ദ്യം ചെ​യ്ത​ത്. മോ​ഷ​ണം പോ​യ​തെ​ന്ന് സം​ശ​യി​ക്കു​ന്ന ദി​വ​സം ഈ ​മു​റി​യി​ൽ ക​യ​റി​യ ജീ​വ​ന​ക്കാ​രെ സി​സി​ടി​വി പ​രി​ശോ​ധി​ച്ച ശേ​ഷം ചോ​ദ്യം ചെ​യ്തെ​ങ്കി​ലും അ​വ​രാ​രും എ​ടു​ത്ത​താ​യി പ​റ​യു​ന്നി​ല്ല. എ​ന്നാ​ൽ പാ​ർ​ട്ട്ടൈം ജീ​വ​ന​ക്കാ​രെ നി​യ​ന്ത്രി​ക്കു​ന്ന ഉ​ദ്യോ​ഗ​സ്ഥ​ന് പ​റ്റി​യ വീ​ഴ്ച മ​റ​ച്ചു​വ​യ്ക്കു​വാ​ൻ ജീ​വ​ന​ക്കാ​രെ മോ​ഷ​ണ​ക്കേ​സി​ൽ കു​ടു​ക്കു​ക​യാ​ണെ​ന്ന് ജീ​വ​നക്കാ​ർ ആ​രോ​പി​ക്കു​ന്നു. ഹാ​ജ​ർ ബു​ക്ക് ഞ​ങ്ങ​ൾ അ​ടി​ച്ചു​മാ​റ്റി​യി​ട്ട് എ​ന്തു പ്ര​യോ​ജ​ന​മെ​ന്നും ഇ​വ​ർ ചോ​ദി​ക്കു​ന്നു.

ജീ​വ​ന​ക്കാ​ർ​ക്ക് ഏ​തെ​ങ്കി​ലും ത​ര​ത്തി​ലു​ള്ള പി​ഴ​വ് സം​ഭ​വി​ച്ചി​ട്ടു​ണ്ടെ​ങ്കി​ൽ അ​ത് ആ​ശു​പ​ത്രി അ​ധി​കൃ​ത​രു​ടെ സാ​ന്നി​ധ്യ​ത്തി​ൽ പ​രി​ഹ​രി​ക്കു​വാ​ൻ ശ്ര​മി​ക്കാ​തെ മോ​ഷ​ണ​ക്കു​റ്റം ചു​മ​ത്തി പോ​ലീ​സി​ൽ പ​രാ​തി ന​ൽ​കി​യ​തി​ന് വി​വി​ധ ജീ​വ​ന​ക്കാ​രു​ടെ ഇ​ട​യി​ൽ വ്യാ​പ​ക​മാ​യ പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്. ഉ​ദ്യോ​സ്ഥ​ന്‍റെ അ​ശ്ര​ദ്ധ​മൂ​ലം സം​ഭ​വി​ച്ച കു​റ്റ​ത്തി​ന് അ​ൻ​പ​തി​നും അ​റു​പ​തി​നും മ​ധ്യേ പ്രാ​യ​മു​ള്ള സ്ത്രീ​ക​ൾ അ​ട​ക്ക​മു​ള​ള പാ​ർ​ട്ട്ടൈം ജീ​വ​ന​ക്കാ​രെ ജ​യി​ലി​ലട​യ്ക്കാ​ൻ ശ്ര​മി​ക്കു​ന്ന ന​ട​പ​ടി​ക്കെ​തി​രെ പ്ര​തി​ക​രി​ക്കു​വാ​ൻ സ​ർ​വീ​സ് സം​ഘ​ട​ന ത​യാ​റെ​ടു​ക്കു​ക​യാ​ണ്.

ആ​ശു​പ​ത്രി സം​ബ​ന്ധ​മാ​യ രേ​ഖ മോ​ഷ​ണം പോ​യ​തി​നാ​ൽ താ​ൻ വി​ളി​ച്ചു വ​രു​ത്തി ചോ​ദ്യം ചെ​യ്തി​ട്ട് പ്ര​യോ​ജ​നം ഉ​ണ്ടാ​കി​ല്ലെ​ന്നു​ള്ള​തി​നാ​ലാ​ണ് പോ​ലീ​സി​ൽ പ​രാ​തി കൊ​ടു​ക്കു​വാ​ൻ ശിപാ​ർ​ശ ചെ​യ്ത​തെ​ന്ന് ആ​ശു​പ​ത്രി സൂ​പ്ര​ണ്ട് ഡോ.​റ്റി.​കെ ജ​യ​കു​മാ​ർ പ​റ​ഞ്ഞു. പാ​ർ​ട്ട്ടൈം ജീ​വ​ന​ക്കാ​രെ സം​ബ​ന്ധി​ച്ച് ആ​രെ​ങ്കി​ലും വി​വ​രാ​വ​കാ​ശം ചോ​ദി​ച്ചാ​ൽ മ​റു​പ​ടി ന​ൽ​ക​ണ​മെ​ങ്കി​ൽ കൃ​ത്യ​മാ​യ രേ​ഖ ആ​വ​ശ്യ​മാ​ണെ​ന്നും അ​ദ്ദേ​ഹം പ​റ​ഞ്ഞു.