ഡോക്ടർ മൊബൈൽ ചാറ്റിംഗിൽ രോഗികൾ ക്യൂവിൽ..! വാ​ഹ​നാ​പ​ക​ട​ത്തി​ൽ പ​രി​ക്കേ​റ്റു ചി​കി​ത്സ​തേ​ടി എ​ത്തി​യ​വരേ നോക്കാതെ ഡോക്ടർ മൊബൈൽ നോക്കിയിരുന്നു; ഒടുക്കം ആശുപത്രിയിൽ നടന്നത് കൂട്ടത്തല്ല്

മു​ള​ങ്കു​ന്ന​ത്തു​കാ​വ്: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വാ​ഹ​നാ​പ​ക​ട​ത്തി​ൽ പ​രി​ക്കേ​റ്റു ചി​കി​ത്സ​തേ​ടി എ​ത്തി​യ​വ​ർ​ക്കു ചി​കി​ത്സ ന​ൽ​കാ​തെ മൊ​ബൈ​ൽ ഫോ​ണി​ൽ നോ​ക്കി​യി​രു​ന്ന​തു ഡോ​ക്ട​ർ​മാ​രും രോ​ഗി​യു​ടെ കൂ​ടെ​യ​ത്തി​യ​വ​രും ത​മ്മി​ൽ ത​ർ​ക്ക​ത്തി​നി​ട​യാ​ക്കി. ഹ​ർ​ത്താ​ൽ ദി​ന​ത്തി​ൽ രാ​ത്രി​യി​ലാ​ണു സം​ഭ​വം.

മു​ള്ളൂ​ർ​ക്ക​ര സ്വ​ദേ​ശി​ക​ളും ഡി​വൈ​എ​ഫ്ഐ പ്ര​വ​ർ​ത്ത​ക​രു​മാ​യ ര​ണ്ടു പേ​രെ​യാ​ണു അ​പ​ക​ട​ത്തി​ൽ പ​രി​ക്കേ​റ്റ് ആ​ശു​പ​ത്രി​യി​ൽ എ​ത്തി​ച്ച​ത്. രാ​ത്രി 11 ആ​യി​ട്ടും പ​രി​ക്കേ​റ്റ​വ​ർ​ക്ക് ആ​വ​ശ്യ​മാ​യ ചി​കി​ത്സ ന​ൽ​കാ​ൻ ഡ്യൂ​ട്ടി​യി​ൽ ഉ​ണ്ടാ​യി​രു​ന്ന ഡോ​ക്ട​ർ​മാ​ർ ത​യാ​റാ​യി​ല്ല . വി​വ​ര​മ​റി​ഞ്ഞു ഡി​വൈ​എ​ഫ്ഐ​യു​ടെ സം​സ്ഥാ​ന നേ​താ​ക്ക​ൾ ആ​ശു​പ​ത്രി​യി​ൽ എ​ത്തി​യ​തോ​ടെ ജീ​വ​ന​ക്കാ​രു​മാ​യി ത​ർ​ക്ക​മു​ണ്ടാ​വു​ക​യാ​യി​രു​ന്നു. ഇ​ത് വ​ലി​യ ബ​ഹ​ള​ത്തി​നും സം​ഘ​ർ​ഷാ​വ​സ്ഥയ്ക്കും ഇ​ട​യാ​ക്കി.

ത​ട​യാ​ൻ ശ്ര​മി​ച്ച സെ​ക്യൂ​രി​റ്റി ജീ​വ​ന​ക്കാ​രു​മാ​യി ഉ​ന്തും​ത​ള്ളു​മു​ണ്ടാ​യി. മ​റ്റു രോ​ഗി​ക​ളും കൂ​ട്ടി​രി​പ്പു​കാ​രും അപകടത്തിൽ പ​രി​ക്കേ​റ്റ് എത്തി​യ​വ​ർ​ക്കൊ​പ്പം കൂ​ടി. മെ​ഡി​ക്ക​ൽ കോ​ള​ജ് പോ​ലീ​സ് സ്ഥ​ല​ത്തെ​ത്തി ചി​ല​രെ ക​സ്റ്റ​ഡി​യി​ലെ​ടു​ത്ത് സ്റ്റേ​ഷ​നി​ലേ​ക്കു കൊ​ണ്ടു​പോ​യി. ഇ​വ​രെ പി​ന്നീ​ടു വി​ട്ട​യ​ച്ചു.