എന്‍റെ ചുറ്റും എപ്പോഴും ആളുകളുണ്ടായിരുന്നതുകൊണ്ട് ഒറ്റയ്ക്ക് പോയാല്‍ എന്ത് ചെയ്യണം, എന്ത് പറയണം എന്നൊന്നും അറിയില്ലായിരുന്നു.
ഇപ്പോള്‍ ഞാന്‍ മാറി. ഷൂട്ടിന് ഒറ്റയ്ക്ക് പോവും. ഫംഗ്ഷനും വിദേശത്തുമെല്ലാം ഒറ്റയ്ക്ക് പോവും. ഈ സ്വാതന്ത്ര്യം തന്നത് എന്‍റെ ഭര്‍ത്താവാണ്.
ഇതുവരെയും അമ്മ പറഞ്ഞ് തന്നതല്ലേ, പക്ഷെ ഇനിയും നീ ഇങ്ങനെ ഇരിക്കരുത്. ആത്മവിശ്വാസവും ധൈര്യവും വേണമെന്ന് പറഞ്ഞു.
എനിക്ക് പറ്റില്ലെന്ന് പറയാന്‍ ബുദ്ധിമുട്ടാണ്. മുഖത്തടിച്ച പോലെ നോ പറയാന്‍ എനിക്കറിയില്ലായിരുന്നു. എന്‍റെ ഭര്‍ത്താവ് പഠിപ്പിച്ചതാണ്.
ധൈര്യമായിരിക്കണം, പ്രാക്ടിക്കലായിരിക്കണം ഒന്നും പേടിക്കാനില്ലെന്ന് പറഞ്ഞു. നിന്നേക്കാളും ചെറിയ ആളുകള്‍ വിദേശത്തൊക്കെ പോയി വരുന്നു.
ഇത്രയും എക്സ്പീരിയന്‍സുള്ള നീയെന്തിനാണിങ്ങനെ ഭയക്കുന്നതെന്ന് പറയുമായിരുന്നു.
-മീന
