നടി, റേഡിയോ ജോക്കി എന്നീ രംഗങ്ങളിൽ നിറഞ്ഞു നിന്ന മീര നന്ദൻ ബിസിനസ് രംഗത്തേക്ക് കടക്കുന്നു. ദുബായ് ഗോൾഡ് എഫ്.എമ്മിൽ റേഡിയോ ജോക്കിയായി പ്രവർത്തിച്ചുവരികയാണ് മീര. ട്രാവൽ ആൻഡ് ടൂറിസം രംഗത്തേക്കാണ് മീര കടക്കുന്നത്.
ബട്ടർഫ്ളൈസ് ടൂർസ് എന്നു പേരിട്ടിരിക്കുന്ന ഈ കമ്പനിയുടെ പാർട്ണർ മീരയുടെ അമ്മ മായാ നന്ദകുമാറാണ്. അമ്മയ്ക്ക് ഒരു ടൈംപാസ് എന്ന നിലയ്ക്കാണ് പുതിയൊരു ബിസിനസ് സംരംഭത്തെപ്പറ്റി ആലോചിച്ചതെന്ന് മീര പറയുന്നു.
ഫ്ളൈറ്റ് ടിക്കറ്റ് ബുക്കിംഗ്, ഹോട്ടൽ ബുക്കിംഗ്, കാബ് അറേഞ്ച്‌മെന്‍റ്, ട്രാവൽ ഇൻഷ്വറൻസ് തുടങ്ങിയ നിരവധി സേവനങ്ങൾ കമ്പനി വാഗ്ദാനം ചെയ്യുന്നുണ്ട്.
