മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ന്ന്  ചാ​ടി​പ്പോ​യ റി​മാ​ൻ​ഡ് പ്ര​തി​ക​ൾ  സം​സ്ഥാ​നം വി​ട്ടു ‍? പോ​ലീ​സ് അ​ന്വേ​ഷ​ണം വ്യാ​പ​ക​മാ​ക്കി

തൃ​ശൂ​ർ: മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ന്ന് മു​ങ്ങി​യ​വ​രി​ൽ പി​ടി​കി​ട്ടാ​നു​ള്ള റി​മാ​ൻ​ഡ് പ്ര​തി​ക​ൾ സം​സ്ഥാ​നം വി​ട്ട​താ​യി സൂ​ച​ന. ചാ​ടി​പ്പോ​യ ഏ​ഴു പേ​രി​ൽ ര​ണ്ടു പേ​രെ ക​ഴി​ഞ്ഞ ദി​വ​സം പി​ടി​കൂ​ടി​യി​രു​ന്നു. കോ​ട​തി ഉ​ത്ത​ര​വ് പ്ര​കാ​രം പാ​ർ​പ്പി​ച്ചി​രു​ന്ന രാ​ഹു​ലി​നെ​യും റി​മാ​ൻ​ഡ് പ്ര​തി പാ​ല​ക്കാ​ട് വ​ണ്ടാ​ഴി നെ​ല്ലി​ക്കോ​ട് വീ​ട്ടി​ൽ വി​പി​നെ​യു​മാ​ണ് പി​ടി​കൂ​ടി​യ​ത്. വെ​സ്റ്റ് സി​ഐ​യു​ടെ നേ​തൃ​ത്വ​ത്തി​ൽ രാ​ഹു​ലി​നെ ഒ​ള​രി​യി​ൽ നി​ന്നും വി​പി​നെ ഞാ​റ​യ്ക്ക​ലി​ൽ നി​ന്നു​മാ​ണ് പി​ടി​കൂ​ടി​യ​ത്.

വി​പി​ൻ കൊ​ല​പാ​ത​ക കേ​സി​ൽ ശി​ക്ഷ അ​നു​ഭ​വി​ച്ച് വ​രി​ക​യാ​യി​രു​ന്നു. ര​ക്ഷ​പ്പെ​ട്ട അ​ഞ്ച് റി​മാ​ൻ​ഡ് ത​ട​വു​കാ​ർ​ക്കാ​യു​ള്ള അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്ക​യാ​ണ്. ഇ​തി​ൽ ചി​ല​രെ ക​ണ്ടെ​ത്താ​നു​ള്ള ശ്ര​മ​ങ്ങ​ൾ വി​ജ​യി​ക്കു​മെ​ന്ന പ്ര​തീ​ക്ഷ​യി​ലാ​ണ് പോ​ലീ​സ്. ത​ൻ​സീ​ർ, വി​ജ​യ​ൻ, നി​ഖി​ൽ, ക​ണ്ണ​ൻ, ജി​നീ​ഷ് എ​ന്നി​വ​രെ​യാ​ണ് ഇ​നി പി​ടി​ക്കാ​നു​ള്ള​ത്.റി​മാ​ൻ​ഡ് പ്ര​തി​ക​ളെ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ എ​ത്തി​ച്ച് ചി​കി​ത്സ ന​ട​ത്തു​ന്ന​ത് ജ​യി​ൽ അ​ധി​കൃ​ത​ർ ത​ല​വേ​ദ​ന ഒ​ഴി​വാ​ക്കാ​ൻ ന​ട​ത്തു​ന്ന ശ്ര​മ​മാ​ണെ​ന്ന് ആ​രോ​പ​ണം ഉ​യ​രു​ന്നു​ണ്ട്.

ഇ​വ​ർ​ക്ക് മ​രു​ന്ന് മാ​ത്ര​മാ​ണ് ന​ൽ​കു​ന്ന​ത്. ഇ​ത് ജ​യി​ലി​ൽ ത​ന്നെ കൊ​ടു​ക്കാ​നു​ള്ള സം​വി​ധാ​ന​മു​ണ്ട്. അ​വി​ടെ പാ​ർ​പ്പി​ച്ച് മ​രു​ന്നു​ക​ൾ സ​മ​യ​ത്ത് ന​ൽ​കാ​നു​ള്ള സം​വി​ധാ​ന​മു​ണ്ടാ​യി​ട്ടും ജ​യി​ൽ ജീ​വ​ന​ക്കാ​രു​ടെ ത​ല​വേ​ദ​ന ഒ​ഴി​വാ​ക്കാ​നാ​ണ് ഇ​ത്ത​ര​ത്തി​ൽ യാ​തൊ​രു സു​ര​ക്ഷ​യു​മി​ല്ലാ​തെ പ്ര​തി​ക​ളെ മാ​ന​സി​കാ​രോ​ഗ്യ കേ​ന്ദ്ര​ത്തി​ലേ​ക്ക് അ​യ​ക്കു​ന്ന​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം.

വേ​ണ്ട​ത്ര സു​ര​ക്ഷ ന​ൽ​കാ​ൻ പോ​ലീ​സും ത​യ്യാ​റാ​കാ​ത്ത​തി​നാ​ൽ ആ​ശു​പ​ത്രി ജീ​വ​ന​ക്കാ​രും പ്ര​തി​ക​ളാ​കു​ന്ന സാ​ഹ​ച​ര്യ​മാ​ണി​പ്പോ​ൾ. മോ​ഷ​ണ കേ​സു​ക​ളി​ലും കൊ​ല​പാ​ത​ക കേ​സു​ക​ളി​ലും പ്ര​തി​ക​ളാ​യ​വ​രാ​ണ് ര​ക്ഷ​പ്പെ​ട്ട​വ​ർ. ഇ​വ​ർ​ക്ക് ത​മി​ഴ്നാ​ട് അ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ ക്രി​മി​ന​ലു​ക​ളു​മാ​യി ബ​ന്ധ​മു​ള്ള​താ​യി പോ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ആ ​വ​ഴി​ക്ക് ഇ​വ​ർ ര​ക്ഷ​പെ​ട്ടി​ട്ടു​ണ്ടോ​യെ​ന്നാ​ണ് അ​ന്വേ​ഷ​ണം ന​ട​ത്തു​ന്ന​ത്.