സാന്‍റിയാഗൊ ഡെല്‍ എസ്റ്റരൊ: അന്താരാഷ്ട്ര ഫുട്‌ബോള്‍ മത്സരത്തില്‍ നൂറ് ഗോള്‍ തികച്ച് അര്‍ജന്‍റീന താരം ലയണല്‍ മെസി.
കുറസാവോക്കെതിരായ സൗഹൃദ മത്സരത്തിന്‍റെ 20-ാം മിനിട്ടിലായിരുന്നു മെസിയുടെ നൂറാം ഗോള്‍. കുറസാവോയെ അര്‍ജന്‍റീന എതിരില്ലാത്ത അഞ്ചു ഗോളുകള്‍ക്ക് തോല്‍പ്പിച്ചു.
174 മത്സരങ്ങളില്‍ നിന്നാണ് മെസിയുടെ ഈ നേട്ടം. പാനമക്കെതിരായ കഴിഞ്ഞ മത്സരത്തില്‍ അവസാന വേളയിലെ ഫ്രീകിക്കിലൂടെ മെസി 99 ഗോളിലെത്തിയിരുന്നു.
122 ഗോളുമായി പോർച്ചുഗല്ലിന്‍റെ ക്രിസ്റ്റ്യാനോ റൊണാള്‍ഡോയും 109 ഗോളുമായി ഇറാന്‍റെ അലി ദാഇയും മെസിക്കു മുന്നിലുണ്ട്.
