മാഡ്രിഡ്: ക്രിസ്റ്റ്യാനോ റൊണാള്‍ഡോ റയല്‍ മാഡ്രിഡ് വിട്ട് യുവന്‍റസില്‍ ചേര്‍ന്നത് തന്നെ ആശ്ചര്യപ്പെടുത്തിയതായി ലയണല്‍ മെസി. ആധുനിക ഫുട്‌ബോളില്‍ ആരാണ് കേമനെന്ന പോരാട്ടത്തില്‍ മെസിയും റൊണാള്‍ഡോയും തമ്മിലുള്ള പോരാട്ടം പ്രസിദ്ധമാണ്. ഇരുവരും ഒരേ ലീഗില്‍ കളിച്ചപ്പോള്‍ അവരുടെ പ്രകടനം ലോകം മുഴുവന്‍ ശ്രദ്ധിച്ചു.
റൊണാള്‍ഡോ സ്‌പെയിന്‍ വിട്ടതോടെ മെസി-റൊണാള്‍ഡോ പോരാട്ടത്തിന്‍റെ കാഠിന്യം കുറഞ്ഞു. ഇനി ചാമ്പ്യന്‍സ് ലീഗിലാകും ഇരുവരും തമ്മിൽ മത്സരമുണ്ടാകൂ. റൊണാള്‍ഡോ റയല്‍ വിട്ടത് ആ ടീമിന് തിരിച്ചടിയാകുമെന്ന് വിശ്വസിക്കുന്നതായും മെസി പറഞ്ഞു. റൊണാള്‍ഡോയുടെ വരവോടെ യുവന്‍റസിന് ചാമ്പ്യന്‍സ് ലീഗ് കിരീടത്തിലെ സാധ്യതയുള്ളവരില്‍ പ്രധാനപ്പെട്ടവരാക്കിയെന്നും മെസി പറഞ്ഞു.
യുവന്‍റസ് മികച്ച ടീമുകളില്‍ ഒന്നാണ് മെസി പറഞ്ഞു. റയലും മികച്ച ടീമുകളില്‍ ഒന്നാണ്. എന്നാല്‍ റൊണാള്‍ഡോ ക്ലബ് വിട്ടതോടെ അവരുടെ ശക്തിയില്‍ വിള്ളലുണ്ടായതായും കാറ്റലൂണിയ റേഡിയോയ്ക്കു നല്‍കിയ അഭിമുഖത്തില്‍ മെസി പറഞ്ഞു.
