അർജന്‍റൈൻ ഇതിഹാസ ഫുട്ബോൾ താരം ഡിയേഗോ മാറഡോണ മെക്സിക്കൻ രണ്ടാം ഡിവിഷൻ ക്ലബ്ബായ ഡൊറാഡോസ് ഡെ സിനാലൊവയെ പരിശീലിപ്പിക്കും. ക്ലബ്ബിന്‍റെ മാനേജരായി മാറഡോണ നിയമിതനായി. മേയിൽ ബെലാറുസിയൻ ക്ലബ്ബായ ഡൈനാമോ ബ്രെസ്റ്റിന്‍റെ ചെയർമാനായി മാറഡോണ കരാർ ഒപ്പിട്ടിരുന്നു.
യുഎഇ രണ്ടാം ഡിവിഷൻ ക്ലബ്ബായ അൽ ഫുജയ്റയുടെ പരിശീലകസ്ഥാനം ഏപ്രിലിൽ മാറഡോണ രാജിവച്ചിരുന്നു.
2008 മുതൽ 2010വരെ അർജന്‍റീന ടീമിനെ മാറഡോണ പരിശീലിപ്പിച്ചിരുന്നു. 2010 ലോകകപ്പിലെ പുറത്താകലിനെത്തുടർന്ന് സ്ഥാനം നഷ്ടപ്പെട്ടു. 1986 ലോകകപ്പിൽ അർജന്‍റീനയെ കിരീടത്തിലെത്തിച്ചത് മാറഡോണയായിരുന്നു. 1977 മുതൽ 1994വരെ 91 മത്സരങ്ങളിൽ അർജന്‍റൈൻ ജഴ്സി അണിഞ്ഞു.
