അഭിനയത്തിലും ഒരുകൈനോക്കാൻ ഒരുങ്ങുകയാണ് എംജി ശ്രീകുമാർ. എംഎൻ നന്പ്യാർക്ക് ബാലൻ കെ നായരിൽ സംഭവിച്ചത് എന്ന പേരിൽ എത്തുന്ന ഹാസ്യ ഹ്രസ്വചിത്രത്തിലാണ് കിടിലൻ ഗൂണ്ടാ ലുക്കിൽ എംജി ശ്രീകുമാർ എത്തുന്നത്. പുണ്യപുരാതന ഗൂണ്ടാകഥ എന്ന ടാഗ് ലൈനിൽ എത്തുന്ന ചിത്രം തിരക്കഥ എഴുതി സംവിധാനം ചെയ്യുന്നത് സുഭാഷ് അഞ്ചലാണ്. മേഴ്സി സാമുവൽ നിർമിക്കുന്ന ചിത്രം മാർച്ചോടെ പുറത്തിറക്കാനാണ് ആലോചിക്കുന്നത്.
