പുന്നയൂർക്കുളം: പാടത്തു മീൻപിടിക്കാൻ വച്ച കുരുത്തിയിൽ അണലികളും മൂർഖനും കുടുങ്ങി.
മീൻപീടിക്കാൻപോയ ആൾ ഓടി രക്ഷപ്പെട്ടു. വെള്ളിയാഴ്ച രാത്രി പാടത്ത് കുരുത്തിവച്ച പെരുന്പടപ്പ് സ്വദേശി പെരിഞ്ചേരിയിൽ വീട്ടിൽ അഷറഫിനാണ് ഈ ദുരനുഭവമുണ്ടായത്.
ഇന്നലെ രാവിലെ കുരുത്തിയെടുക്കാനെത്തിയപ്പോൾ പാന്പ് പത്തിവിടർത്തി ചീറ്റുകയായിരുന്നു. കുരുത്തി പാടത്തേക്കു വലിച്ചെറിഞ്ഞ് ഓടി രക്ഷപ്പെടുകയായിരുന്നു.
രണ്ട് അണലിയും ഒരു മൂർഖനും കുരുത്തിയിൽ ഉണ്ടായിരുന്നു. പിന്നീട് അബ്ബാസ് എന്നയാളെത്തി പാന്പുകളെ പിടികൂടുകയായിരുന്നു.
