ആ മെസേജുകളിൽ എന്തായിരിക്കും! മി​ഷേ​ലി​ന്‍റെ മ​ര​ണത്തില്‍ ഷാ​ജിയുടെ സംശയങ്ങൾ  ഇങ്ങനെ…

ജോ​മോ​ൻ പി​റ​വം

പി​റ​വ​ത്തു​കാ​ര​നാ​യ ഒ​രു യു​വാ​വു​മാ​യി മി​ഷേ​ൽ ദീ​ർ​ഘ​നാ​ളാ​യി അ​ടു​പ്പ​ത്തി​ലാ​യി​രു​ന്നു. പി​ന്നീ​ട് ഇ​വ​ർ ത​മ്മി​ൽ അ​ക​ന്നി​രു​ന്നു. യു​വാ​വ് പ​ല​പ്പോ​ഴും മി​ഷേ​ലി​നെ മാ​ന​സി​ക സ​മ്മ​ർ​ദ​ത്തി​ലാ​ക്കി​ക്കൊ​ണ്ടി​രു​ന്നു. ഇ​തി​ൽ മ​നം​നൊ​ന്ത് ആ​ത്മ​ഹ​ത്യ ചെ​യ്ത​താ​യി​രി​ക്കാ​മെ​ന്ന് അ​ന്വേ​ഷ​ണ സം​ഘം പ​റ​യു​ന്നു.

മി​ഷേ​ൽ പ​ള്ളി​യി​ൽ നി​ന്നു​മി​റ​ങ്ങി​യ​ശേ​ഷം ഗോ​ശ്രീ പാ​ല​ത്തി​ലേ​ക്കു​പോ​കു​ന്ന​തി​ന്‍റെ സി​സി ടി​വി ദൃ​ശ്യ​ങ്ങ​ൾ വ്യ​ക്ത​മാ​ണ്. ഇ​വി​ടെ​യു​ള്ള അ​പ്പാ​ർ​ട്ട്മെ​ന്‍റി​ലെ സി​സി ടി​വി ദൃ​ശ്യ​ങ്ങ​ളാ​ണ് പോ​ലീ​സ് ക​ണ്ടെ​ത്തി​യ​ത്.

ന​ട​ന്നു മു​ന്നോ​ട്ടു പോ​യ മി​ഷേ​ൽ വൈ​പ്പി​നി​ലേ​ക്കു പോ​കു​ന്ന ര​ണ്ടാ​മ​ത്തെ ഗോ​ശ്രീ​പാ​ല​ത്തി​ൽ നി​ന്നും കാ​യ​ലി​ൽ ചാ​ടു​ക​യാ​യി​രു​ന്നു​വെ​ന്നാ​ണ് പോ​ലീ​സ് ഭാ​ഷ്യം. ഇ​തു​ത​ന്നെ ക്രൈം​ബ്രാ​ഞ്ചും ശ​രി​വ​യ്ക്കു​ന്നു.
ഇ​തു​മാ​യി ബ​ന്ധ​പ്പെ​ട്ട് പ്രേ​ര​ണ​ാക്കു​റ്റം ചു​മ​ത്തി പി​റ​വം സ്വ​ദേ​ശി​യെ പോ​ലീ​സ് അ​റ​സ്റ്റ് ചെ​യ്തി​രു​ന്നു.

സം​ഭ​വ ദി​വ​സം 57 മെ​സേ​ജ് മി​ഷേ​ലി​ന്‍റെ മൊ​ബൈ​ൽ ഫോ​ണി​ൽ വ​ന്ന​താ​യി പ​റ​യു​ന്നു​ണ്ട്. ഇ​തു വാ​യി​ച്ച​പ്പോ​ഴു​ണ്ടാ​യ സ​മ്മ​ർ​ദ​ത്തി​ലാ​യി​രി​ക്കും ആ​ത്മ​ഹ​ത്യ​യെ​ന്നാ​ണ് ചൂ​ണ്ടി​ക്കാ​ണി​ക്കു​ന്ന​ത്. എ​ന്നാ​ൽ ഈ ​മെ​സേ​ജു​ക​ളി​ൽ ഭൂ​രി​ഭാ​ഗ​വും തു​റു​ന്നു നോ​ക്കി​യി​ട്ടി​ല്ലെ​ന്നും, ഈ ​മെ​സേ​ജി​ൽ എ​ഴു​തി​യ​ത് എ​ന്താണെ​ന്നു​ള്ള​ത് ക​ണ്ടെ​ത്താ​നാ​യി​ട്ടി​ല്ലെ​ന്നും ഷാ​ജി പ​റ​യു​ന്നു.

സി​ബി​ഐ അ​ന്വേ​ഷ​ണ​ത്തി​ലൂ​ടെ മ​ക​ളു​ടെ മ​ര​ണ​ത്തി​ന്‍റെ കാ​ര​ണം ക​ണ്ടെ​ത്താ​നാ​കു​മെ​ന്ന പ്ര​തീ​ക്ഷ​യി​ലാ​ണ് ഷാ​ജി​യും കു​ടും​ബ​വും. സ​ദാ​സ​മ​യ​വും ഇ​തി​നു​വേ​ണ്ടി​യു​ള്ള ഓ​ട്ട​ത്തി​ലാ​ണ് ഈ ​പി​താ​വ്. ഒ​ട്ടേ​റെ അ​ന്വേ​ഷ​ണ വി​ദ​ഗ്ധ​രു​മാ​യും ഡോ​ക്ട​ർ​മാ​രു​മാ​യൊ​ക്കെ ച​ർ​ച്ച ചെ​യ്ത് നി​ര​വ​ധി കാ​ര്യ​ങ്ങ​ളാ​ണ് ഷാ​ജി ചൂ​ണ്ടി​ക്കാ​ണി​ക്കു​ന്ന​ത്. ഇ​തി​ൽ നി​ന്നു​മെ​ല്ലാം കൊ​ല​പാ​ത​ക​മാ​ണ​ന്നു​ള്ള ഉ​റ​ച്ച നി​ഗ​മ​ന​ത്തി​ലാ​ണ് ഈ ​കു​ടും​ബം.

ഷാ​ജിയുടെ സംശയങ്ങൾ  ഇങ്ങനെ

മി​ഷേ​ലി​ന്‍റെ മ​ര​ണം കൊ​ല​പാ​ത​ക​മാണെ​ന്നു​ള്ള ഉ​റ​ച്ച നി​ല​പാ​ടി​ലാ​ണ് പി​താ​വ് ഷാ​ജി​യും മാ​താ​വ് ഷൈ​ല​മ്മ​യും. ആ​ത്മ​ഹ​ത്യ​യാ​ണെ​ന്ന് എ​ഴു​തി ത​ള്ളാ​നു​ള്ള അ​ന്വേ​ഷ​ണ ഉ​ദ്യോ​ഗ​സ്ഥ​രു​ടെ വ്യ​ഗ്ര​ത​യേ​ക്കു​റി​ച്ച് അ​ന്വേ​ഷി​ച്ചാ​ൽ ആ​രാ​ണ് പി​ന്നി​ലു​ള്ള​തെ​ന്ന് മ​ന​സി​ലാ​ക്കാ​മെ​ന്ന് ഷാ​ജി പ​റ​യു​ന്നു.

കാ​ണാ​താ​യി 22 മ​ണി​ക്കൂ​റു​ക​ൾ​ക്കു ശേ​ഷം കാ​യ​ലി​ൽ​നി​ന്നും മി​ഷേ​ലി​ന്‍റെ മൃ​ത​ദേ​ഹം ക​ണ്ടെ​ത്തു​ന്പോ​ൾ അ​ഴു​കു​ക​യോ, ചീ​ർ​ക്കു​ക​യോ, സാ​ധാ​ര​ണ സം​ഭ​വി​ക്കാ​റു​ള്ള​തു​പോ​ലെ ജ​ല​ജീ​വി​ക​ളാ​ൽ വി​കൃ​ത​മാ​വു​ക​യോ ചെ​യ്തി​ട്ടി​ല്ല. വെ​ള്ള​ത്തി​ൽ വീ​ണി​ട്ട് അ​ധി​ക​സ​മ​യ​മാ​യി​ട്ടി​ല്ലെ​ന്നാ​ണ് ഇ​തി​ൽ​നി​ന്നും അ​നു​മാ​നി​ക്കു​ന്ന​ത്.

മി​ഷേ​ലി​ന്‍റെ ഫൈ​ബ​ർ സ്ട്രാ​പ്പു​ള്ള വാ​ച്ച്, മൊ​ബൈ​ൽ ഫോ​ണ്‍, മോ​തി​രം, ഹാ​ൻ​ഡ് ബാ​ഗ്, ഷാ​ൾ, ഹാ​ഫ് ഷൂ ​എ​ന്നി​വ എ​വി​ടെ​യാ​ണെ​ന്നു​ള്ള​ത് അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് ക​ണ്ടെ​ത്താ​നാ​യി​ട്ടി​ല്ല.

മി​ഷേ​ലി​ന്‍റെ മൂ​ക്കി​ന്‍റെ ഇ​രു​വ​ശ​ത്തും ക​ണ്ട ന​ഖം താ​ഴ്ത്തി​യ പാ​ടു​ക​ളും, കൈ​ത്ത​ണ്ട​യി​ൽ അ​മ​ർ​ത്തി​പ്പി​ടി​ച്ച​തു​പോ​ലു​ള്ള ക​രി​നീ​ലി​ച്ച പാ​ടു​ക​ളും, ചു​ണ്ടി​ലെ മു​റി​ഞ്ഞ​പാ​ടും എ​ങ്ങ​നെ​യു​ണ്ടാ​യെന്ന​ള്ള വി​ശ​ദീ​ക​ര​ണ​മി​ല്ല.

കൂ​ടാ​തെ കൈ​മു​ട്ടി​ൽ നാ​ല് വി​ര​ലു​ക​ൾ ബ​ല​മാ​യി അ​മ​ർ​ത്തി​പ്പി​ടി​ച്ച​തി​ന്‍റെ പാ​ടു​ക​ളു​മു​ണ്ട്. ക​ലൂ​ർ പ​ള്ളി​യി​ൽ​നി​ന്നും മി​ഷേ​ൽ പു​റ​ത്തി​റ​ങ്ങു​ന്പോ​ൾ ര​ണ്ടു യു​വാ​ക്ക​ൾ ഹെ​ൽ​മ​റ്റി​ല്ലാ​തെ ബൈ​ക്കി​ൽ പി​ന്തു​ട​രു​ന്ന​താ​യി സി​സി ടി​വി ദൃ​ശ്യ​ത്തി​ലു​ണ്ടെ​ങ്കി​ലും ഇ​വ​രെ ക​ണ്ടെ​ത്താ​നാ​യി​ട്ടി​ല്ല.

പോ​ലീ​സി​ന്‍റെ എ​ഫ്ഐ​ആ​റി​ൽ മാ​താ​പി​താ​ക്ക​ൾ പ​രാ​തി​യു​മാ​യി എ​ത്തി​യ തീയ​തി​യും, സ​മ​യ​വു​മെ​ല്ലാം ക​ള​വാ​യാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത​ത്രെ.