കൊച്ചി: മിസ് ഏഷ്യാ മോഡൽ ഫിസിക് ജൂണിയർ (ബിക്കിനി ഫിറ്റ്നസ്) മത്സരത്തിൽ യോഗ്യത നേടി മലയാളി യുവതി. കലൂർ സ്വദേശിനിയും എറണാകുളം മഹാരാജാസ് കോളജിലെ ഒന്നാം വർഷ ബിരുദ വിദ്യാർഥിനിയുമായ ഓഷോ ജിമ്മി (21) യാണ് ഒക്ടോബർ രണ്ടു മുതൽ എട്ടു വരെ പൂനയിൽ നടക്കുന്ന മിസ് ഏഷ്യാ മോഡൽ ഫിസിക് ജൂണിയർ വിഭാഗത്തിൽ ഇന്ത്യയെ പ്രതിനിധീകരിക്കുന്നത്.
മത്സരത്തിൽ പങ്കെടുക്കുന്ന ഏറ്റവും പ്രായം കുറഞ്ഞ മത്സരാർഥിയായ ഓഷോ ഈയിനത്തിൽ പങ്കെടുക്കുന്ന ആദ്യ മലയാളി വനിതയുമാണ്. ഇന്ത്യയ്ക്കായി മികച്ചപ്രകടനം കാഴ്ച വയ്ക്കാനാകുമെന്ന് ഓഷോ പത്രസമ്മേളനത്തിൽ പറഞ്ഞു.
