കൊച്ചി: ഇംപ്രസാരിയോ മിസ് കേരള മല്‍സരത്തിന്‍റെ ഫൈനല്‍ റൗണ്ട് ഇന്നു വൈകിട്ട് ആറിന് ലേ മെറിഡിയന്‍ കണ്‍വന്‍ഷന്‍ സെന്‍ററില്‍ നടക്കും.
25 മല്‍സരാര്‍ഥികളാണ് ഫൈനല്‍ റൗണ്ടില്‍ ഇടംപിടിച്ചത്. കേരളീയം, ലെഹംഗ, ഗൗണ്‍ എന്നിങ്ങനെ മൂന്നു റൗണ്ടുകളിലായാണ് മല്‍സരം.
ഗ്രൂമിംഗ് സെഷനുകള്‍ക്കു പിന്നാലെ മിസ് ബ്യൂട്ടിഫുള്‍ ഹെയര്‍, മിസ് ബ്യൂട്ടിഫുള്‍ സ്‌കിന്‍, മിസ് ബ്യൂട്ടിഫുള്‍ സ്‌മൈല്‍, മിസ് ബ്യൂട്ടിഫുള്‍ അയ്‌സ്, മിസ് ഫോട്ടോജനിക്, മിസ് കണ്‍ജീനിയാലിറ്റി, മിസ് ടാലന്‍റഡ് എന്നിവരെ തെരഞ്ഞടുക്കും.
കോവിഡിനെതുടര്‍ന്ന് ക്യു ആര്‍ കോഡ് രേഖപ്പെടുത്തിയ പാസ് ഉള്ളവര്‍ക്കു മാത്രമേ ഹാളിലേക്ക് പ്രവേശിക്കാനാവൂ.
എറണാകുളം ലെ മെറിഡിയന്‍ കണ്‍വന്‍ഷന്‍ സെന്‍ററില്‍ ഇന്ന് നടക്കുന്ന മിസ് കേരള മല്‍സരത്തിന്‍റെ ഫൈനല്‍ റൗണ്ടില്‍ ഇടംപിടിച്ചവര്‍ ഫോട്ടോസെഷനില്‍ പങ്കെടുത്തപ്പോള്‍.
