ഇ​സ്ര​യേ​ലിനെ ത​ക​ർ​ക്കാ​ൻ ല​ക്ഷ്യ​മാ​യെ​ത്തി​യ മി​സൈ​ലു​ക​ൾ ത​ക​ർ​ത്ത് യു​എ​സ് യു​ദ്ധ​ക്ക​പ്പ​ൽ

വാ​ഷിം​ഗ്ട​ൺ: ഇ​സ്ര​യേ​ൽ ല​ക്ഷ്യ​മാ​ക്കി​യെ​ത്തി​യ മി​സൈ​ലു​ക​ൾ ത​ക​ർ​ത്ത് യു​എ​സ് യു​ദ്ധ​ക്ക​പ്പ​ൽ. യെ​മ​നി​ലെ ഇ​റാ​ൻ പി​ന്തു​ണ​യു​ള്ള ഹൂ​തി തീ​വ്ര​വാ​ദി​ക​ൾ തൊ​ടു​ത്ത മി​സൈ​ലു​ക​ളാ​ണ് വ​ട​ക്ക​ൻ ചെ​ങ്ക​ട​ലി​ൽ വി​ന്യ​സി​ച്ചി​രി​ക്കു​ന്ന യു​എ​സ് നാ​വി​ക​സേ​ന​യു​ടെ യു​ദ്ധ​ക്ക​പ്പ​ലാ​യ യു​എ​സ്എ​സ് കാ​ർ​ണി ത​ക​ർ​ത്ത​ത്.

പ​ശ്ചി​മേ​ഷ്യ​യി​ൽ ഒ​രു യു​എ​സ് നേ​വി ക​പ്പ​ൽ അ​തി​നെ നേ​രി​ട്ട് ല​ക്ഷ്യ​മി​ടാ​ത്ത മി​സൈ​ലു​ക​ൾ​ക്കും ഡ്രോ​ണു​ക​ൾ​ക്കു​മെ​തി​രെ പ്ര​തി​രോ​ധ ന​ട​പ​ടി​യെ​ടു​ക്കു​ന്ന​ത് സ​മീ​പ​കാ​ല ച​രി​ത്ര​ത്തി​ൽ ഇ​താ​ദ്യ​മാ​ണ്. നി​ല​വി​ലെ പ്ര​തി​സ​ന്ധി​യി​ൽ ഇ​സ്ര​യേ​ലി​നെ സം​ര​ക്ഷി​ക്കാ​ൻ യു​എ​സ് സൈ​നി​ക ഇ​ട​പെ​ട​ലി​ന്‍റെ ആ​ദ്യ ഉ​ദാ​ഹ​ര​ണം കൂ​ടി​യാ​ണി​ത്.

യെ​മ​നി​ൽ നി​ന്ന് ഹൂ​തി​ക​ൾ വി​ക്ഷേ​പി​ച്ച മൂ​ന്ന് ലാ​ൻ​ഡ് അ​റ്റാ​ക്ക് മി​സൈ​ലു​ക​ളും ഒ​ന്നി​ല​ധി​കം ഡ്രോ​ണു​ക​ളും യു​എ​സ്എ​സ് കാ​ർ​ണി വി​ജ​യ​ക​ര​മാ​യി ത​ട​ഞ്ഞു​വെ​ന്ന് പെ​ന്‍റ​ഗ​ൺ പ്ര​സ് സെ​ക്ര​ട്ട​റി ബ്രി​ഗേ​ഡ് ജ​ന​റ​ൽ പാ​റ്റ് റൈ​ഡ​ർ വാ​ർ​ത്താ​സ​മ്മേ​ള​ന​ത്തി​ൽ സ്ഥി​രീ​ക​രി​ച്ചു.

പ്രാ​ദേ​ശി​ക പ​ങ്കാ​ളി​ക​ളെ​യും രാ​ജ്യ​താ​ത്പ​ര്യ​ങ്ങ​ളെ​യും സം​ര​ക്ഷി​ക്കു​ന്ന​തി​നാ​യി പ​ശ്ചി​മേ​ഷ്യ​യി​ൽ
സ്ഥാ​പി​ച്ചി​ട്ടു​ള്ള യു​എ​സി​ന്‍റെ സം​യോ​ജി​ത വ്യോ​മ, മി​സൈ​ൽ പ്ര​തി​രോ​ധ ശേ​ഷി പ്ര​ക​ട​മാ​ക്കു​ന്ന​താ​ണ് ഈ ​ന​ട​പ​ടി​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​സ്ര​യേ​ലും ഹ​മാ​സും ത​മ്മി​ലു​ള്ള വ​ർ​ധി​ച്ചു​വ​രു​ന്ന സം​ഘ​ർ​ഷം ഇ​ല്ലാ​താ​ക്കാ​ൻ യു​എ​സും മ​റ്റ് രാ​ജ്യ​ങ്ങ​ളും പ്ര​വ​ർ​ത്തി​ക്കു​മ്പോ​ൾ ഇ​റാ​ന്‍റെ പി​ന്തു​ണ​യു​ള്ള ഹൂ​തി​ക​ൾ ഇ​സ്രാ​യേ​ലി​ന് നേ​രെ മി​സൈ​ലു​ക​ളും ഡ്രോ​ണു​ക​ളും വി​ക്ഷേ​പി​ക്കു​ന്ന​ത് പ്രാ​ദേ​ശി​ക സം​ഘ​ർ​ഷ​ങ്ങ​ൾ വ​ർ​ധി​പ്പി​ക്കാ​നാ​ണ് സാ​ധ്യ​ത.

ഹൂ​തി മി​സൈ​ലു​ക​ളു​ടെ​യും ഡ്രോ​ണു​ക​ളു​ടെ​യും ല​ക്ഷ്യ​സ്ഥാ​നം കൃ​ത്യ​മാ​യി പ​റ​യാ​നാ​വി​ല്ലെ​ങ്കി​ലും യെ​മ​നി​ൽ നി​ന്ന് വി​ക്ഷേ​പി​ക്കു​ക​യും ചെ​ങ്ക​ട​ലി​ലൂ​ടെ വ​ട​ക്കോ​ട്ട് നീ​ങ്ങു​ക​യും ചെ​യ്ത ഇ​വ ഇ​സ്ര​യേ​ലി​നെ​ത്ത​ന്നെ​യാ​കാം ല​ക്ഷ്യ​മി​ട്ട​തെ​ന്നും പെ​ന്‍റ​ഗ​ൺ അ​റി​യി​ച്ചു.

വ​ട​ക്ക​ൻ യെ​മ​നി​ൽ കാ​ര്യ​മാ​യ നി​യ​ന്ത്ര​ണം കൈ​വ​ശം വ​ച്ചി​രി​ക്കു​ന്ന ഇ​റാ​ന്‍റെ പി​ന്തു​ണ​യു​ള്ള ഷി​യാ സം​ഘ​മാ​ണ് ഹൂ​തി തീ​വ്ര​വാ​ദി​ക​ൾ. 2015 മു​ത​ൽ സൗ​ദി​യു​ടെ നേ​തൃ​ത്വ​ത്തി​ലു​ള്ള സ​ഖ്യ​സേ​ന​യു​മാ​യി അ​വ​ർ സം​ഘ​ർ​ഷ​ത്തി​ലാ​ണ്.

ഈ ​സം​ഘ​ർ​ഷ​ത്തി​നി​ട​യി​ൽ, ഹൂ​തി​ക​ൾ സൗ​ദി​യി​ലേ​ക്ക് മി​സൈ​ലു​ക​ളും ഡ്രോ​ണു​ക​ളും ഇ​ട​യ്ക്കി​ടെ വി​ക്ഷേ​പി​ക്കാ​റു​ണ്ട്. എ​ന്നാ​ൽ യു​എ​സ് ത​ക​ർ​ത്ത മി​സൈ​ലു​ക​ൾ സൗ​ദി ല​ക്ഷ്യ​മി​ട്ടാ​യി​രു​ന്നി​ല്ല എ​ന്ന​താ​ണ് ശ്ര​ദ്ധേ​യം.

നേ​ര​ത്തെ, ഗാ​സ സം​ഘ​ർ​ഷ​ത്തി​ൽ യു​എ​സ് നേ​രി​ട്ട് ഇ​ട​പെ​ട്ടാ​ൽ, മ​റ്റ് സൈ​നി​ക ന​ട​പ​ടി​ക​ൾ​ക്കൊ​പ്പം ഡ്രോ​ണു​ക​ളും മി​സൈ​ലു​ക​ളും വി​ന്യ​സി​ച്ചു​കൊ​ണ്ട് ത​ന്‍റെ സം​ഘം പ്ര​തി​ക​രി​ക്കു​മെ​ന്ന് ഹൂ​തി നേ​താ​വ് അ​ബ്ദു​ൽ മാ​ലെ​ക് അ​ൽ ഹൂ​ത്തി ക​ഴി​ഞ്ഞ ആ​ഴ്ച മു​ന്ന​റി​യി​പ്പ് ന​ൽ​കി​യി​രു​ന്നു.

സി​റി​യ​യി​ലെ​യും ഇ​റാ​ക്കി​ലെ​യും യു​എ​സ് താ​വ​ള​ങ്ങ​ൾ ല​ക്ഷ്യ​മി​ട്ടു​ള്ള ഡ്രോ​ൺ ആ​ക്ര​മ​ണ​ങ്ങ​ളു​ടെ ഒ​രു പ​ര​മ്പ​ര​യ്‌​ക്കി​ട​യി​ലാ​ണ് ഈ ​സം​ഭ​വം ന​ട​ക്കു​ന്ന​ത്. ഇ​ത് മേ​ഖ​ല​യി​ലെ സം​ഘ​ർ​ഷ​ങ്ങ​ൾ കൂ​ടു​ത​ൽ വ​ഷ​ളാ​ക്കു​ന്നു.