തൊടുപുഴ: വണ്ണപ്പുറത്ത് ഒരു കുടുംബത്തിലെ നാലു പേരെ ദുരൂഹ സാഹചര്യത്തിൽ കാണാതായി. മുണ്ടൻമുടി കാനാട്ട് വീട്ടിൽ കൃഷ്ണൻ, ഭാര്യ, രണ്ട് മക്കൾ എന്നിവരെയാണ് കാണാതായത്. ഇവരുടെ വീടിനുള്ളിൽ രക്തക്കറയും കണ്ടെത്തിയിട്ടുണ്ട്.
കഴിഞ്ഞ നാല് ദിവസമായി കൃഷ്ണനെയും കുടുംബത്തെയും കാണാനില്ലെന്ന് അയൽവാസികൾ പറഞ്ഞു. അയൽവാസികളുടെ പരാതിയെ തുടർന്നു കാളിയാർ പോലീസ് സ്ഥലത്തെത്തി അന്വേഷണം ആരംഭിച്ചു. വീടിന് പിന്നീൽ വലിയ കുഴികൾ മുടിയ നിലയിൽ കണ്ടെത്തിയിട്ടുണ്ടെന്നും ഇവിടെ പരിശോധനകൾ നടത്തിയാലെ കൂടുതൽ വിവരങ്ങൾ ലഭ്യമാകുകയുള്ളുവെന്നും അധികൃതർ അറിയിച്ചു.
