മഞ്ചേരി: തിരുവനന്തപുരത്തു നിന്നും ഇക്കഴിഞ്ഞ ദിവസം കാണാതായ പതിനെട്ടുകാരിയെ ഇന്നലെ മഞ്ചേരി പൊലീസ് കൊണ്ടോട്ടിയിൽ കണ്ടെത്തി. കൊണ്ടോട്ടി സ്വദേശിയായ യുവാവിന്‍റെ വീട്ടിൽ നിന്നാണ് ഇരുവരെയും മഞ്ചേരി എസ്ഐ എസ്.ബി.കൈലാസ് നാഥും സംഘവും കണ്ടെത്തിയത്. ഫെയ്സ്ബുക്കു വഴി പരിചയപ്പെട്ട പെണ്‍കുട്ടിയും യുവാവും പ്രണയബദ്ധരാവുകയും യുവാവിനെ തേടി പെണ്‍കുട്ടി കൊണ്ടോട്ടിയിലെത്തുകയുമായിരുന്നു.
പെണ്‍കുട്ടിയുടെ രക്ഷിതാക്കൾ നൽകിയ പരാതിയുടെ അടിസ്ഥാനത്തിൽ തിരുവനന്തപുരം തുന്പ പൊലീസ് രജിസ്റ്റർ ചെയ്ത കേസിന്‍റെ അന്വേഷണത്തിലാണ് പെണ്‍കുട്ടിയെ കണ്ടെത്തിയത്.പെണ്‍കുട്ടിയുടെ രക്ഷിതാക്കൾക്ക് വിവരം നൽകിയിട്ടുണ്ട്. ഇവരെത്തിയ ശേഷം കമിതാക്കളെ മഞ്ചേരി ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിൽ ഹാജരാക്കുമെന്ന് പോലീസ് പറഞ്ഞു.
