കൊച്ചി: ചികിത്സയിൽ കഴിയുന്ന യുവാവിന് നിപ്പ വൈറസ് ബാധ സ്ഥിരീകരിച്ചു എന്ന വാർത്ത ജനങ്ങളെ ഭയപ്പെടുത്തുകയല്ല വേണ്ടതെന്ന് നടൻ മമ്മൂട്ടി. ജാഗ്രതയാണ് വർധിപ്പിക്കേണ്ടതെന്ന് അദ്ദേഹം തന്‍റെ ഫേസ്ബുക്ക് പേജിൽ കുറിച്ചു.
ജനങ്ങളുടെ കൂട്ടായ്മയാണ് ഈ സമയത്ത് വേണ്ടെതെന്നു പറഞ്ഞ മമ്മൂട്ടി ഇതിലും എത്രയോ വലിയ ഭീതികളെ മറികടന്നവരാണ് നാമെന്നും ചോദിക്കുന്നു. ഒന്നിച്ചു നിന്ന് നിപ്പയെ കീഴടക്കാം എന്ന ആഹ്വാനത്തോടെയാണ് അദ്ദേഹം തന്‍റെ ഫേസ്ബുക്ക് പോസ്റ്റ് അവസാനിപ്പിക്കുന്നത്.
