പാലക്കാട്: ചോദിക്കാതെയും പറയാതെയും ശല്യമുണ്ടാക്കുന്ന രീതിയിൽ ഫോട്ടോ എടുത്താൽ ആരായാലും ദോഷ്യപ്പെട്ടുപോകും.
നെല്ലിയാമ്പതി ചുരത്തില്‍ യാത്രക്കാര്‍ക്ക് നേരെ പാഞ്ഞടുത്ത് കുട്ടിയാന. ആനക്കുട്ടത്തെ റോഡിൽ കണ്ട സന്തോഷത്തിൽ വിനോദ സഞ്ചാരികളിൽ ചിലർ കാട്ടാനയുടെയും കുഞ്ഞിന്‍റെയും ചിത്രങ്ങളെടുക്കാന്‍ ശ്രമിച്ചതാണ് ആനയെ പ്രകോപിപ്പിച്ചത്.
കൊമ്പുകുലുക്കി വാലും ചുരിട്ടിയുള്ള കുട്ടിയാനയുടെ വരവ് കണ്ട് ഞെട്ടി യാത്രക്കാരും. ഇന്നലെ വൈകിട്ടാണ് സംഭവം.
കാട്ടാനകള്‍ കൂട്ടത്തോടെ ഇറങ്ങുന്നതിനാല്‍ ഇവിടെയെത്തുന്നവർ ജാഗ്രത പുലര്‍ത്തണമെന്ന് അധികൃതര്‍ അറിയിച്ചു.
