കുറവിലങ്ങാട്: സൂപ്പര്‍മാര്‍ക്കറ്റിലെ ജീവനക്കാരിയുടെ മൊബൈല്‍ ഫോണ്‍ മോഷ്ടിച്ച കേസില്‍ യുവാവിനെ പോലീസ് അറസ്റ്റ് ചെയ്തു. കുടമാളൂര്‍ ചാമത്തല ഭാഗത്ത് കപ്രായില്‍പറമ്പില്‍ എം.ആര്‍. അന്‍സാരി (38) യെയാണ് കുറവിലങ്ങാട് പോലീസ് അറസ്റ്റ് ചെയ്തത്.
ഇയാള്‍ കഴിഞ്ഞദിവസം ഉച്ചയോടെ വെമ്പള്ളിയിൽ പ്രവര്‍ത്തിക്കുന്ന സൂപ്പര്‍മാര്‍ക്കറ്റിലെ ജീവനക്കാരിയുടെ മൊബൈല്‍ ഫോണ്‍ മോഷ്ടിച്ചു കടന്നുകളയുകയായിരുന്നു.
പരാതിയെത്തുടര്‍ന്ന് കുറവിലങ്ങാട് പോലീസ് കേസ് രജിസ്റ്റര്‍ ചെയ്യുകയും പ്രതിയെ പിടികൂടുകയുമായിരുന്നു.മോഷ്ടിച്ച മൊബൈല്‍ ഫോണ്‍ കോട്ടയം കെഎസ്ആര്‍ടിസി സ്റ്റാന്‍ഡിനു സമീപമുള്ള മൊബൈല്‍ ഫോണ്‍ കടയില്‍ തുച്ഛമായ വിലയ്ക്കു വിറ്റിരുന്നു.
അടുത്തിടെ, വെമ്പള്ളിയിലെ മറ്റൊരു സൂപ്പര്‍മാര്‍ക്കറ്റില്‍നിന്നും ഇയാൾ ഫോൺ മോഷ്ടിച്ചിരുന്നു. പ്രതിക്ക് കോട്ടയം വെസ്റ്റ് സ്റ്റേഷനില്‍ ക്രിമിനല്‍ കേസുണ്ട്
