ശരീരത്തിൽ ടാറ്റു പതിക്കുന്നത് ഇന്ന് ഒരു പുതിയ കാര്യമല്ല. എന്നാൽ ശരീരത്തിൽ മാറ്റം വരുത്തുന്നത് അപൂർവമാണ്.
ചില രാജ്യങ്ങൾ ശരീരത്തിൽ രൂപമാറ്റം വരുത്തുന്നത് നിയമപരമായി വിലക്കിയിട്ടുള്ളതാണ്. എന്നാൽ ഇത്തരം വിലക്കുകളില്ലാത്ത രാജ്യങ്ങളിൽ ശരീരത്തിൽ രൂപമാറ്റം വരുത്തുന്നത് ചിലരുടെ ഹോബിയാണ്.
പ്രശസ്തിക്കുവേണ്ടിയും ചിലർ രൂപമാറ്റം വരുത്താറുണ്ട്. മനോഹരമായ ശരീരത്തെയാണ് ചിലർ രൂപമാറ്റം വരുത്തി വികൃതമാക്കുന്നത്.
അത്തരമൊരു ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ലോകത്തിലെ ഏറ്റവും വലിയ കവിളുകളുള്ള ഉക്രൈന്‍ മോഡല്‍ അനസ്താസിയ പൊക്രെഷ്ചുക്ക് പങ്കുവച്ച് തന്‍റെ പഴയകാല ചിത്രമാണ് ഇപ്പോൾ ചർച്ചയാകുന്നത്.
തന്‍റെ പഴയ ചിത്രമാണോ പുതിയ രൂപമാണോ മികച്ചതെന്നാണ് അനസ്താസിയയുടെ ചോദ്യം. 26വയസുള്ള തന്‍റെ ചിത്രവും 32 വയസുള്ള ചിത്രവുമാണ് പങ്കുവച്ചിരിക്കുന്നത്.
തന്‍റെ കവിളുകള്‍ക്കും ചുണ്ടുകള്‍ക്കും മാറ്റം വരുത്താനും വലിപ്പം കൂട്ടാനും ധാരാളം സര്‍ജറികള്‍ക്ക് അനസ്താസിയ വിധേയയായിരുന്നു.
ഫേഷ്യല്‍ ഫില്ലേഴ്‌സും ബോട്ടോക്‌സ്‌ ഇന്‍ജെക്ഷനുകളും അടക്കം പലതരം കോസ്‌മെറ്റിക് ചികിത്സാ രീതികള്‍ക്കൊടുവിലാണ് ഈ രൂപത്തിലേക്ക് അനസ്താസിയ എത്തിയത്.
ഒന്നര ലക്ഷം രൂപ ചെലവഴിച്ചാണ് അനസ്താസിയ രൂപ മാറ്റം വരുത്തിയത്. ആറ് വര്‍ഷത്തോളമെടുത്താണ് ഈ മാറ്റങ്ങൾ വരുത്തിയത്.
രണ്ടു ലക്ഷത്തോളം ഫോളവേഴ്സാണ് അനസ്താസിയയ്ക്കുള്ളത്. തന്‍റെ പുതിയ ചിത്രങ്ങൾ അനസ്താസിയ സോഷ്യൽ മീഡിയാവഴി സ്ഥിരമായി പങ്കുവയ്ക്കാറുണ്ട്.
റോസ് അനസ്താസിയായുടെനിറത്തിലുള്ള തലമുടിയും അമിതമായ മേക്കപ്പും വലിയ കവിളുകളുമാണ് സോഷ്യൽ മീഡിയയിൽ അവരെ വ്യത്യസ്തയാക്കുന്നത്.
എന്നാൽ അനസ്താസിയായുടെ പഴയ രൂപം തിരിച്ചറിയാനാകുന്നില്ലെന്നാണ് ആരാധകർ പറയുന്നത്.
