മാന്നാർ: പ്രധാനമന്ത്രി നരേന്ദ്രമോദി രാജ്യത്ത് എത്തുന്നത് മറ്റ് രാജ്യങ്ങളിൽ നിന്ന് രാഷ്ട്രതലവൻമാർ അതിഥിയായി എത്തുന്നതുപോലെയാണെന്ന് വിഎസ് അച്യൂതാനന്ദൻ. എൽഡിഎഫ് ചെന്നിത്തലയിൽ സംഘടിപ്പിച്ച പ്രചാരണ യോഗം ഉത്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
രാജ്യം ഭരിക്കേണ്ട ഭരണാധികാരി കൂടുതൽ സമയവും അന്യരാജ്യങ്ങൾ സന്ദർശിക്കുവാനും വിമാനത്തിൻ കറങ്ങുവാനുമാണ് നീക്കി വയ്ക്കുന്നത്. കോണ്ഗ്രസിലെ അഴിമതി മൂലം ലഭിച്ച കസേര കൊണ്ട് ലഭിച്ച ഭാഗ്യം കറങ്ങി തീർക്കുവാനാണ് മോദി ശ്രമിക്കുന്നത്. ഇനി ഇത്തരത്തിൽ ഒരവസരം ലഭിക്കില്ലെന്ന് മുൻ കൂട്ടി കണ്ട് കൊണ്ടാണ് ഇത്തരം കറക്കം നടത്തുന്നതെന്നും വിഎസ് കൂട്ടിചേർത്തു
