13,450 കോ​ടി ചെലവ്‌! പ്രധാനമന്ത്രിയുടെ പുതിയ വസതി 2022 ഡിസംബറിൽ പൂർത്തിയാക്കാൻ നിർദേശം; പ്രധാനമ​ന്ത്രി​ക്കാ​യി പ്ര​ത്യേ​ക തു​ര​ങ്ക​വും; പ്ര​ധാ​ന​മ​ന്ത്രി​യു​ടെ ല​ക്ഷ്യം ഇങ്ങനെ…

ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: അ​തി​രൂ​ക്ഷ​മാ​യ കോ​വി​ഡ് വ്യാ​പ​ന​ത്തി​നും പ്രാ​ണ​വാ​യു പോ​ലും കി​ട്ടാ​തെ നി​ര​വ​ധി പേ​ർ തു​ട​ർ​ച്ച​യാ​യി മ​രി​ക്കു​ക​യും ചെ​യ്യു​ന്ന​തി​നി​ട​യി​ൽ 20,000 കോ​ടി​യോ​ളം രൂ​പ​യു​ടെ സെ​ൻ​ട്ര​ൽ വി​സ്ത പ​ദ്ധ​തി​യു​ടെ ഭാ​ഗ​മാ​യി നി​ർ​മി​ക്കു​ന്ന പ്ര​ധാ​ന​മ​ന്ത്രി​യു​ടെ പു​തി​യ വ​സ​തി അ​ടു​ത്ത വ​ർ​ഷം ഡി​സം​ബ​റി​ൽ പൂ​ർ​ത്തി​യാ​ക്കാ​ൻ നി​ർ​ദേ​ശം.

മ​ഹാ​മാ​രി​യു​ടെ കൊ​ടി​യ ദു​രി​ത​ങ്ങ​ൾ​ക്കി​ട​യി​ലും ഡ​ൽ​ഹി​യി​ലെ പു​തി​യ പാ​ർ​ല​മെ​ന്‍റ് മ​ന്ദി​ര​വും പ്ര​ധാ​ന​മ​ന്ത്രി​യു​ടെ വ​സ​തി​യും അ​ട​ക്ക​മു​ള്ള സെ​ൻ​ട്ര​ൽ വി​സ്ത പ​ദ്ധ​തി അ​വ​ശ്യ സേ​വ​നം ആ​യി പ്ര​ഖ്യാ​പി​ച്ചി​രു​ന്നു.

കോ​വി​ഡ് രോ​ഗി​ക​ളു​ടെ പ്ര​തി​ദി​ന വ​ള​ർ​ച്ച​യി​ൽ ലോ​ക​ത്ത് ഇ​ന്ത്യ ഒ​ന്നാ​മ​തെ​ത്തു​ക​യും ഓ​ക്സി​ജ​നും വെ​ന്‍റി​ലേ​റ്റ​റു​ക​ളും പോ​ലും കി​ട്ടാ​താ​വു​ക​യും ചെ​യ്യു​ന്ന അ​തീ​വ ഗു​രു​ത സാ​ഹ​ച​ര്യ​ത്തി​ൽ സെ​ൻ​ട്ര​ൽ വി​സ്ത​യു​ടെ നി​ർ​മാ​ണം നി​ർ​ത്തി​വ​യ്ക്ക​ണ​മെ​ന്നു പ്ര​തി​പ​ക്ഷം ആ​വ​ർ​ത്തി​ച്ച് ആ​വ​ശ്യ​പ്പെ​ട്ടി​രു​ന്നു.

സെ​ൻ​ട്ര​ൽ വി​സ്ത അ​നി​വാ​ര്യ​മ​ല്ലെ​ന്നും ദീ​ർ​ഘ​വീ​ക്ഷ​ണ​മു​ള്ള കേ​ന്ദ്ര​സ​ർ​ക്കാ​ർ ആ​ണ് ആ​വ​ശ്യ​മെ​ന്നും കോ​ണ്‍ഗ്ര​സ് നേ​താ​വ് രാ​ഹു​ൽ ഗാ​ന്ധി ചൂ​ണ്ട ിക്കാ​ട്ടി​യി​രു​ന്നു.

എ​ന്നാ​ൽ, ഡ​ൽ​ഹി​യി​ൽ ര​ണ്ടാഴ്ച​യാ​യി തു​ട​രു​ന്ന ലോ​ക്ക്ഡൗ​ണ്‍ പോ​ലും മ​റി​ക​ട​ന്നു കോ​വി​ഡ് ഭീ​ഷ​ണി​ക്കി​ട​യി​ലും നൂ​റു ക​ണ​ക്കി​നു തൊ​ഴി​ലാ​ളി​ക​ളാ​ണു ദി​വ​സേ​ന പാ​ർ​ല​മെ​ന്‍റ് മ​ന്ദി​രം അ​ട​ക്ക​മു​ള്ള പ​ദ്ധ​തി​ക​ളു​ടെ നി​ർ​മാ​ണ ജോ​ലി​ക​ൾ​ക്കാ​യെ​ത്തു​ന്ന​ത്. സി​മ​ന്‍റ്, ക​ന്പി, മ​ണ്ണ് തു​ട​ങ്ങി​യ​വ​യു​മാ​യി നി​ര​വ​ധി ട്ര​ക്കു​ക​ളും സ​ജീ​വ​മാ​ണ്.

കൊ​റോ​ണ പ​ക​ർ​ച്ച​വ്യാ​ധി​യു​ടെ മ​ധ്യ​ത്തി​ൽ സെ​ൻ​ട്ര​ൽ വി​സ്ത പ​ദ്ധ​തി​ക്ക് ആ​വ​ശ്യ​മാ​യ പാ​രി​സ്ഥി​തി​ക അ​നു​മ​തി കേ​ന്ദ്ര​സ​ർ​ക്കാ​ർ ന​ൽ​കി.

ഇ​തോ​ടെ തെ​ര​ക്കി​ട്ടു തു​ട​രു​ന്ന നി​ർ​മാ​ണ ജോ​ലി​ക​ൾ അ​ടു​ത്ത ഘ​ട്ട​ത്തി​ലേ​ക്കു ക​ട​ന്നു. 13,450 കോ​ടി രൂ​പ ചെ​ല​വു​ള്ള ഈ ​പ​ദ്ധ​തി​ക​ൾ​ക്കു വേണ്ടി 46,000 തൊ​ഴി​ലാ​ളി​ക​ൾ ജോ​ലി ചെ​യ്യേ​ണ്ടി വ​രു​മെ​ന്നാ​ണു റി​പ്പോ​ർ​ട്ട്.

2022 ഡി​സം​ബ​റി​ൽ പൂ​ർ​ത്തി​യാ​ക്കേ​ണ്ട ആ​ദ്യ കെ​ട്ടി​ട​ങ്ങ​ളി​ൽ പ്ര​ധാ​ന​മ​ന്ത്രി​യു​ടെ പു​തി​യ അ​ത്യാ​ധു​നി​ക വ​സ​തി​യു​മു​ണ്ട ്.

പ്ര​ധാ​ന​മ​ന്ത്രി​യു​ടെ പ്ര​ത്യേ​ക സു​ര​ക്ഷാ ചു​മ​ത​ല​യു​ള്ള എ​സ്പി​ജി (സ്പെ​ഷ​ൽ പ്രൊ​ട്ട​ക്ഷ​ൻ ഗ്രൂ​പ്പ്) ഹെ​ഡ്ക്വാ​ർ​ട്ടേ​ഴ്സും കേ​ന്ദ്ര​സ​ർ​ക്കാ​രി​ന്‍റെ ഉ​ന്ന​ത സെ​ക്ര​ട്ട​റി​മാ​ർ​ക്കു​ള്ള പു​ത്ത​ൻ വ​സ​തി​ക​ളും ഇ​തോ​ടൊ​പ്പം അ​ടു​ത്ത വ​ർ​ഷം ഡി​സം​ബ​റി​ൽ പൂ​ർ​ത്തീ​ക​രി​ക്ക​ണ​മെ​ന്നാ​ണു ക​രാ​റു​കാ​രാ​യ ടാ​റ്റ ഗ്രൂ​പ്പി​നു ന​ൽ​കി​യി​രി​ക്കു​ന്ന​ത്.

പ്ര​ധാ​ന​മ​ന്ത്രി​യു​ടെ ഓ​ഫീ​സി​നെ​യും പു​തി​യ വ​സ​തി​യെ​യും ബ​ന്ധി​പ്പി​ക്കു​ന്ന തു​ര​ങ്ക നി​ർ​മാ​ണ​വും പ​ദ്ധ​തി​യു​ടെ ഭാ​ഗ​മാ​യു​ണ്ട ്.

സു​ര​ക്ഷാ​പ്ര​ശ്ന​ങ്ങ​ളി​ല്ലാ​തെ പ്ര​ധാ​ന​മ​ന്ത്രി​ക്ക് ഓ​ഫീ​സി​ലേ​ക്കും തി​രി​കെ വ​സ​തി​യി​ലേ​ക്കും പോ​കാ​നാ​ണു തു​ര​ങ്കം.

ഉ​പ​രാ​ഷ്ട്ര​പ​തി​ക്കാ​യു​ള്ള പു​തി​യ വ​സ​തി​യും പ​ദ്ധ​തി​യി​ലു​ണ്ട്. അ​ടു​ത്ത മേ​യി​ൽ ഉ​പ​രാ​ഷ്ട്ര​പ​തി​യു​ടെ വ​സ​തി നി​ർ​മാ​ണം പൂ​ർ​ത്തി​യാ​ക്കും.

രാ​ഷ്ട്ര​പ​തി ഭ​വ​ൻ മു​ത​ൽ ഇ​ന്ത്യാ ഗേ​റ്റ് വ​രെ നീ​ളു​ന്ന മേ​ഖ​ല​യി​ലെ പ​ദ്ധ​തി 2024ലെ ​പൊ​തു​തെ​ര​ഞ്ഞെ​ടു​പ്പി​നു മു​ന്പാ​യി പൂ​ർ​ത്തി​യാ​ക്കി ഉ​ദ്ഘാ​ട​നം ചെ​യ്യാ​നാ​ണു പ്ര​ധാ​ന​മ​ന്ത്രി​യു​ടെ ല​ക്ഷ്യം.