സിലിഗുരി: ഐ ലിഗിലെ കോൽക്കത്ത ഡെർബിയിൽ മോഹൻ ബഗാന് വിജയം. നാട്ടങ്കത്തിൽ ഈസ്റ്റ് ബംഗാളിനെ ഒന്നിനെതിരെ രണ്ടു ഗോളുകൾക്കാണ് ബഗാൻ പരാജയപ്പെടുത്തിയത്. സോണി നോർദെയും കൗമാരതാരം അസ്ഹറുദ്ദീൻ മാലിക്കുമാണ് ബഗാന്റെ ഗോൾ നേടിയത്.
റോവ്ലിൻ ബോർഗസാണ് ബംഗാളിന്റെ ആശ്വാസ ഗോൾ നേടിയത്. ഇഞ്ചുറി ടൈമിലായിരുന്നു ബോർഗസിന്റെ ഗോൾ. 67-ാം മിനിറ്റിൽ വില്ലീസ് പ്ലാസ ചുവപ്പ് കാർഡ് കണ്ട് പുറത്തായ ശേഷം 10 പേരുമായാണ് ബംഗാൾ കളിച്ചത്.
