കാമ്പസ് ചിത്രം ക്വീനിൽ ചിന്നു എന്ന കേന്ദ്രകഥാപാത്രത്തെ അവതരിപ്പിച്ച സാനിയ അയ്യപ്പൻ മോഹൻലാലിനൊപ്പം അഭിനയിക്കുന്നു. പൃഥ്വിരാജ് സംവിധാനം ചെയ്യുന്ന ലൂസിഫറിലാണ് സാനിയ മോഹൻലാലിന്റെ മകളുടെ കഥാപാത്രത്തെ അവതരിപ്പിക്കുന്നത്. മഞ്ജു വാര്യർ ആണ് ചിത്രത്തിലെ നായിക.
ഇന്ദ്രജിത്ത്, ടോവിനോ തോമസ് എന്നിവരും ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. കൊച്ചി, തിരുവനന്തപുരം, മുംബൈ എന്നിവിടങ്ങളാണ് ചിത്രത്തിന്‍റെ മറ്റ് പ്രധാനലൊക്കേഷനുകൾ. ആശിർവാദ് സിനിമാസിനു വേണ്ടി ആന്‍റണി പെരുമ്പാവൂരാണ് ചിത്രം നിർമിക്കുന്നത്.
