മലയാളത്തിന്‍റെ താരരാജാവാണ് മോഹന്‍ലാലെങ്കില്‍ യുവതലമുറയുടെ ഹരമാണ് ഫഹദ് ഫാസില്‍. മോഹൻലാൽ എന്ന താരത്തിനോട് ആരാധകര്‍ക്ക് മാത്രമല്ല താരങ്ങള്‍ക്കും വലിയ ആരാധനയാണ്. അക്കൂട്ടത്തില്‍ മോഹന്‍ലാലിനെ ഒരുപാടിഷ്ടപ്പെടുന്ന താരമാണ് ഫഹദ് ഫാസില്‍.
ഫഹദിനോടും മോഹന്‍ലാലിനും അതേ സ്നേഹമുണ്ട്. ഇപ്പോഴിതാ മോഹൻലാലും ഫഹദും ചേർന്നുള്ള പുതിയ ചിത്രം ഏറ്റെടുത്തിരിക്കുകയാണ് സോഷ്യല്‍ മീഡിയ. മോഹൻലാലിനെ ഫഹദ് കെട്ടിപ്പിടിച്ച്‌ ചുംബിക്കുന്ന ചിത്രമാണിത്.
എടാ മോനേ… ലവ് യു… എന്ന ക്യാപ്ഷന്‍ നല്‍കിയാണ് മോഹൻലാല്‍ ചിത്രം പങ്കുവച്ചത്. താരരാജാവ് ഇൻസ്റ്റഗ്രാമില്‍ പങ്കുവച്ച ചിത്രം നിമിഷനേരം കൊണ്ട് വൈറലായി. ചിത്രത്തിനൊപ്പം ആവേശത്തിലെ എട മോനേ… ഡയലോഗ് വീണ്ടും ആരാധകർ ഏറ്റെടുത്തു. നിരവധി താരങ്ങളും ആരാധകരും ചിത്രത്തിനു താഴെ കമന്‍റുകള്‍ നല്‍കുന്നുണ്ട്.
പോസ്റ്റ് കാണാൻ ഇവിടെ ക്ലിക്ക് ചെയ്യുക
