കായംകുളം കൊച്ചുണ്ണിയുടെ ഷൂട്ടിംഗിനായി ഇപ്പോൾ മംഗലാപുരത്തുള്ള നടൻ മോഹൻലാൽ തന്‍റെ ഫേസ്ബുക്ക് പേജിൽ പോസ്റ്റ് ചെയ്ത ചിത്രം ആരാധകർ ഏറ്റെടുത്തിരിക്കുകയാണ്. ഒരു ജിമ്മിൽ വർക്ക് ഔട്ട് ചെയ്തുകൊണ്ടിരിക്കുന്ന ചിത്രമാണ് മോഹൻലാൽ പുറത്തുവിട്ടത്. ഇത് ഏതെങ്കിലും ചിത്രത്തിനു വേണ്ടിയുള്ള ഒരുക്കമാണോയെന്ന് വെളിപ്പെടുത്തിയിട്ടില്ല.
എന്തായാലും മസിലൊക്കെയായി ഉറച്ച ശരീരത്തോടെ നിൽക്കുന്ന ചിത്രത്തിന് വിവിധ തരത്തിലുള്ള കമന്‍റുകളാണ് വന്നു കൊണ്ടിരിക്കുന്നത്. പ്രണവിനു വച്ചിരിക്കുന്ന റോളുകൾ കൂടി ലാലേട്ടൻ കൊണ്ടുപോകുമല്ലോ എന്നാണ് ഒരു കമന്‍റ്. ലാലേട്ടൻ ജിമ്മൻ ആയി എന്ന് മറ്റൊരു കമന്‍റ്. എന്നാൽ പുതിയ രൂപം ഇഷ്ടപ്പെടാത്ത ആരാധകരും ഉണ്ട്. വണ്ണം കുറച്ചപ്പോൾ പഴയ ഐശ്വര്യം പോയി എന്ന് അഭിപ്രായമുള്ളവരും ഉണ്ട്.ഒടിയൻ എന്ന ചിത്രത്തിനു വേണ്ടി മോഹൻലാൽ വണ്ണം കുറച്ചത് വലിയ വാർത്തയായിരുന്നു.
