മോഹൻലാലിനെ നായകനാക്കി സിദ്ധിഖ് സംവിധാനം ചെയ്യുന്ന ബിഗ് ബ്രദറിൽ തെന്നിന്ത്യൻ താരം റെജീന കസാന്ദ്ര നായികയാകുന്നു. നിരവധി തമിഴ്, തെലുങ്ക് ചിത്രങ്ങളിലൂടെ ആരാധകരെ സ്വന്തമാക്കിയ താരത്തിന്‍റെ മലയാളത്തിലേക്കുള്ള അരങ്ങേറ്റ ചിത്രം കൂടിയാണ് ബിഗ് ബ്രദർ.
ലേഡീസ് ആൻഡ് ജെന്‍റിൽമാൻ എന്ന ചിത്രത്തിനു ശേഷം സിദ്ധിഖ്- മോഹൻലാൽ കൂട്ടുകെട്ടിലൊരുങ്ങുന്ന ചിത്രമാണിത്. ജിബി, ജോജു എന്നിവർ സംവിധാനം ചെയ്യുന്ന ഇട്ടിമാണി മെയ്ഡ് ഇൻ ചൈന എന്ന സിനിമയുടെ തിരക്കിലാണ് മോഹൻലാൽ ഇപ്പോൾ. ഹണിറോസാണ് ചിത്രത്തിലെ നായിക.
