അയാള്‍ കഥ എഴുതുകയാണ് എന്ന ചിത്രത്തിലെ നായികയായി ആദ്യം സൗന്ദര്യയെയാണ് കാസ്റ്റ് ചെയ്തിരുന്നത് എന്ന് സംവിധായകൻ കമൽ. ആ സമയത്താണ് അവര്‍ മരിച്ചത്. പിന്നെയാണ് നായികയെ മാറ്റിയത്. ഏത് നായികയാണ് കഥാപാത്രത്തിന് ചേരുന്നതെന്ന് നടി സരിതയോടാണ് ഞാന്‍ അന്വേഷിച്ചത്.
അങ്ങനെ അവര്‍ തെലുങ്കിലെ വലിയ നായികയായ മന്ത്രയുടെ പേര് നിര്‍ദേശിക്കുകയായിരുന്നു. അങ്ങനെ ഞാന്‍ മന്ത്രയെ വിളിച്ചു. എന്‍റെ ചിത്രമായതുകൊണ്ട് മന്ത്ര അഭിനയിക്കാമെന്ന് വാക്ക് നല്‍കി. പക്ഷെ മോഹന്‍ലാലിന്‍റെയും മന്ത്രയുടെയും ഡേറ്റുകള്‍ തമ്മില്‍ ചേര്‍ന്നില്ല. അങ്ങനെ അത് ഒഴിവായി പോയി. അങ്ങനെയാണ് ഒടുവില്‍ കൗസല്യ (നന്ദിനി) നായികയായത്.
സിനിമയുടെ ആദ്യദിവസത്തെ ഷൂട്ടിംഗ് മുതല്‍ മോഹന്‍ലാലിന്‍റെ പ്രകടനം അസാധ്യയമായിരുന്നു. ആ സിനിമയില്‍ മോഹന്‍ലാല്‍ അഴിഞ്ഞാടിയാണ് അഭിനയിച്ചത്. അത്രയും മികവുറ്റതായിരുന്നു. അന്ന് ലൊക്കേഷനുകളില്‍ മോണിറ്ററുകള്‍ ഇല്ലായിരുന്നു. അതുകൊണ്ട് താരങ്ങളെകൊണ്ടു വീണ്ടും അഭിനയിപ്പിക്കാന്‍ കഴിയില്ലായിരുന്നു. സ്‌ക്രീനില്‍ എന്തുവരണം എന്നതിനെക്കുറിച്ച് മോഹന്‍ലാലിന് കൃത്യമായ ധാരണ ഉണ്ട് എന്ന് കമല്‍ പറഞ്ഞു.
