കുഞ്ഞാലിമരയ്ക്കാർ നാലാമന്‍റെ ജീവിതത്തെ ആസ്പദമാക്കി ഒരുക്കുന്ന മരയ്ക്കാർ, അറബികടലിന്‍റെ സിംഹം ഇന്ത്യൻ നാവിക സേനയ്ക്കുള്ള ആദരമെന്ന് മോഹൻലാൽ. ഇന്ത്യൻ നാവിക സേനയുടെ ചരിത്രത്തിലെ ആദ്യത്തെ തലവൻ ആയിരുന്നു കുഞ്ഞാലിമരയ്ക്കാർ, അദ്ദേഹത്തിന്‍റെ യുദ്ധമുറകൾ അവിശ്വസനീയമാണ്. ഒട്ടനവധി ഗവേഷണം നടത്തിയാണ് ഈ സിനിമ ഒരുക്കന്നതെന്നും അദ്ദേഹം പറഞ്ഞു.
നവംബർ ഒന്നിന് സിനിമയുടെ ചിത്രീകരണം ആരംഭിക്കും. അന്യഭാഷ നടന്മാർ ഉൾപ്പടെ വന്പൻ താരനിരയാണ് ചിത്രത്തിനായി അണിനിരക്കുന്നത്. നൂറു കോടി മുതൽമുടക്കിൽ നിർമിക്കുന്ന ചിത്രം മലയാളത്തിലെ ഏറ്റവും ചിലവേറിയ ചിത്രമാണ്.
ആശിർവാദ് സിനിമാസിനു വേണ്ടി ആന്‍റണി പെരുന്പാവൂർ, കോണ്ഫിഡന്റ് ഗ്രൂപ്പ് ഉടമ സി.ജെ. റോയ്, മൂണ്ഷോട്ട് എന്‍റർടെയ്ൻമെന്‍റിനു വേണ്ടി സന്തോഷ് ടി. കുരുവിള എന്നിവരാണ് ചിത്രം നിർമിക്കുന്നത്.
