മോഹൻലാലിന്‍റെ ഒടിയൻ എന്ന ചിത്രത്തിനായി ആരാധകർ കാത്തിരിക്കുകയാണ്. ചിത്രത്തിന്‍റെ ഷൂട്ടിംഗ് അടുത്തു തന്നെ തുടങ്ങുകയും ചെയ്യും. എന്നാൽ ഒടിയനുവേണ്ടി രൂപപ്പെടുത്തിയ തന്‍റെ പുതിയ ലുക്കിൽ ലാൽ ആദ്യം എത്തുക രജീഷ് മിഥില സംവിധാനം ചെയ്യുന്ന ചിത്രത്തിലായിരിക്കും. വാരിക്കുഴിയിലെ കൊലപാതകം എന്നാണ് ചിത്രത്തിന് പേരിട്ടിരിക്കുന്നത്.
അമിത് ചക്കാലയ്ക്കലാണ് ചിത്രത്തിൽ പ്രധാന വേഷത്തിലെത്തുന്നത്. ദിലീഷ് പോത്തൻ, നെടുമുടി വേണു, സുധി കോപ്പ തുടങ്ങിയവരാണ് ചിത്രത്തിലെ മറ്റ് താരങ്ങൾ. ചിത്രത്തിന്‍റെ ഷൂട്ടിംഗ് പുരോഗമിക്കുകയാണ്.
