മോഹൻലാൽ വീണ്ടും ഗായകന്‍റെ കുപ്പായമണിയുന്നു. അജോയ് വർമ സംവിധാനം ചെയുന്ന നീരാളിയിലെ ഒരു ഗാനമാണ് മോഹൻലാൽ ആലപിക്കുന്നത്. അദ്ദേഹത്തോടൊപ്പം ശ്രേയാ ഘോഷലും പാടുന്നുണ്ട്. പി.ടി. ബിനു രചിച്ച ഗാനത്തിന് ഈണം പകരുന്നത് പിയാനിസ്റ്റായ സ്റ്റീഫൻ ദേവസിയാണ്.
ഇതിനു മുന്പ് ജോഷി സംവിധാനം ചെയ്ത റണ്‍ ബേബി റണ്ണിലെ ആറ്റുമണൽ പായയിൽ എന്ന ഗാനം മോഹൻലാൽ ആലപിച്ചിരുന്നു. വർഷങ്ങൾക്കു ശേഷം നാദിയ മൊയ്തു മോഹൻലാലിനൊപ്പം അഭിനയിക്കുന്നുവെന്ന പ്രത്യേകതയും ചിത്രത്തിനുണ്ട്.
മോഹൻലാലിന്റെ ഭാര്യയുടെ കഥാപാത്രത്തെയാണ് നാദിയ മൊയ്തു അവതരിപ്പിക്കുന്നത്.മൂണ്ഷോട്ട് എന്‍റർടെയ്ൻമെന്‍റിനു വേണ്ടി സന്തോഷ് ടി. കുരുവിളയാണ് ചിത്രം നിർമിക്കുന്നത്.
