മോക്ഡ്രില്ല് നടത്തിയത് സുരക്ഷാ സംവിധാനം ഇല്ലാതയോ? തു​ട​ക്കം മോ​ക്ഡ്രി​ല്ലി​ൽ… ഒ​ടു​ക്കം യാ​ഥാ​ർ​ഥ്യം; മോ​ക്ഡ്രി​ല്ലി​നു സാ​ക്ഷ്യം വ​ഹി​ക്കാ​ൻ ഉദ്യോഗസ്ഥനിര ഉണ്ടായിരുന്നിട്ടും…

മ​ല്ല​പ്പ​ള്ളി: വെ​ണ്ണി​ക്കു​ളം പ​ടു​തോ​ട് പാ​ല​ത്തി​നു സ​മീ​പം ഇ​ന്ന​ലെ രാ​വി​ലെ ന​ട​ന്ന പ്ര​ള​യ പ്ര​തി​ക​ര​ണ മോ​ക്ക് ഡ്രി​ൽ യാ​ഥാ​ർ​ഥ്യ​ത്തി​ലേ​ക്കു നീ​ങ്ങാ​ൻ അ​ധി​ക​നേ​രം വേ​ണ്ടി​വ​ന്നി​ല്ല.

പാ​ല​ത്തി​നു സ​മീ​പ​ത്തെ ആ​ൾ​ക്കൂ​ട്ട​വും സ​ന്നാ​ഹ​​ങ്ങ​ളും ക​ണ്ട് ആ​ദ്യം നാ​ട്ടു​കാ​ർ ഭ​യ​പ്പെ​ട്ടി​രു​ന്നു. എ​ന്നാ​ൽ മോ​ക്ഡ്രി​ല്ലാ​ണെ​ന്ന് അ​റി​ഞ്ഞ് ആ​ശ്വ​സി​ച്ചി​രി​ക്കു​ന്പോ​ഴാണ് സം​ഭ​വം യാ​ഥാ​ർ​ഥ്യ​ത്തി​ലേ​ക്കു നീ​ങ്ങി​യ​ത്.

പ​ടു​തോ​ട് പാ​ല​ത്തി​നു സ​മീ​പം വി​വി​ധ വ​കു​പ്പു​ക​ൾ സം​യു​ക്ത​മാ​യി സം​ഘ​ടി​പ്പി​ച്ച മോ​ക്ഡ്രി​ല്ലി​ന് റ​വ​ന്യു ദു​ര​ന്ത​നി​വാ​ര​ണ വി​ഭാ​ഗ​ത്തി​നാ​യി​രു​ന്നു ചു​മ​ത​ല.

മ​ണി​മ​ല​യാ​റ്റി​ൽ ഒ​ഴു​ക്കി​ൽ​പ്പെ​ട്ട​യാ​ളെ എ​ങ്ങ​നെ ര​ക്ഷി​ക്കാ​മെ​ന്ന​തി​നെ സം​ബ​ന്ധി​ച്ചാ​യി​രു​ന്നു അ​വ​ത​ര​ണം. ഇ​തി​നാ​യി നാ​ലു​പേ​രെ സ്ഥ​ല​ത്തെ​ത്തി​ച്ച​ത് ക​ല്ലൂ​പ്പാ​റ ഗ്രാ​മ​പ​ഞ്ചാ​യ​ത്താ​ണ്.

വെ​ള്ള​ത്തി​ലേ​ക്കി​റ​ങ്ങി​യ ക​ല്ലൂ​പ്പാ​റ തു​രു​ത്തി​ക്കാ​ട് കാ​ക്ക​ര​ക്കു​ന്നേ​ൽ ബി​നു സോ​മ​നാ​ണ് (34) പൊ​ടു​ന്ന​നെ മു​ങ്ങി​ത്താ​ഴ്ന്ന​ത്. ക​ര​യ്ക്കു​നി​ന്ന​വ​ർ അ​തും മോ​ക്ഡ്രി​ല്ലി​ന്‍റെ ഭാ​ഗ​മാ​ണെ​ന്നു ക​രു​തി.

സ​ന്ന​ദ്ധ പ്ര​വ​ര്‍​ത്ത​ക​നാ​യ ബി​നു​വി​നെ വെ​ള്ള​ത്തി​ല്‍​നി​ന്നു​ള്ള ര​ക്ഷാ​പ്ര​വ​ർ​ത്ത​ന​ത്തി​ന്‍റെ ഭാ​ഗ​മാ​യി ഉ​ദ്യോ​ഗ​സ്ഥ​രു​ടെ നി​ർ​ദേ​ശ​പ്ര​കാ​ര​മാ​ണ് മ​ണി​മ​ല​യാ​റ്റി​ലേ​ക്ക് ഇ​റ​ക്കി​യ​ത്.

സ​ന്ന​ദ്ധ​പ്ര​വ​ർ​ത്ത​ക​ൻ കൂ​ടി​യാ​യ ബി​നു നാ​ട്ടി​ലെ ഏ​താ​വ​ശ്യ​ത്തി​നും മു​ന്പി​ലു​ള്ള​യാ​ളാ​ണ്. പ്ര​ള​യ​കാ​ല​ത്തും കോ​വി​ഡ് കാ​ല​ത്തു​മൊ​ക്കെ നാ​ട്ടു​കാ​ർ​ക്ക് ഏ​റെ സ​ഹാ​യം ചെ​യ്തു. അ​വി​വാ​ഹി​ത​നാ​യ ഇ​യാ​ൾ ഒ​റ്റ​യ്ക്കാ​ണ് താ​മ​സം.

ഇ​ട​പെ​ട​ൽ വേ​ഗ​ത്തി​ലാ​യി
സ്ഥ​ല​ത്തു​ണ്ടാ​യി​രു​ന്ന ദേ​ശീ​യ ദു​ര​ന്ത പ്ര​തി​ക​ര​ണ സേ​ന​യും ഫ​യ​ർ​ഫോ​ഴ്സ് സം​ഘ​വും ഊ​ർ​ജി​ത​മാ​യ​ത് പെ​ട്ടെ​ന്നാ​ണ്. മോ​ക്ഡ്രി​ല്ലിനു​വേ​ണ്ടി എ​ല്ലാ​വ​രും സ്ഥ​ല​ത്തു​ണ്ടാ​യി​രു​ന്നെ​ങ്കി​ലും ഒ​രു അ​പ​ക​ടം ആ​രും പ്ര​തീ​ക്ഷി​ച്ചി​ല്ല.

അ​തു​കാ​ര​ണം ആ​ദ്യ​മൊ​ന്നു പ​ക​ച്ചെ​ങ്കി​ലും വേ​ഗ​ത്തി​ൽ ത​ന്നെ തെ​ര​ച്ചി​ൽ ന​ട​ത്തി. 20 മി​നി​ട്ടി​നു​ള്ളി​ൽ ബി​നു​വി​നെ ക​ണ്ടെ​ത്തി. ജീ​വ​ന്‍റെ ചെ​റി​യ​അം​ശം ശ​രീ​ര​ത്തി​ൽ ഉ​ണ്ടെ​ന്നു മ​ന​സി​ലാ​ക്കി​യ​തോ​ടെ​യാ​ണ് തി​രു​വ​ല്ല​യി​ലേ​ക്കു പോ​യ​ത്.

അ​വി​ടെ പു​ഷ്പ​ഗി​രി മെ​ഡി​ക്ക​ൽ കോ​ള​ജി​ൽ പ്രാ​ഥ​മി​ക ചി​കി​ത്സ ന​ൽ​കി പ​ൾ​സ് വീ​ണ്ടെ​ടു​ത്തു. തു​ട​ർ​ന്ന് വെ​ന്‍റി​ലേ​റ്റ​ർ സ​ഹാ​യ​ത്തോ​ടെ ഐ​സി​യു​വി​ൽ പ്ര​വേ​ശി​പ്പി​ച്ചെ​ങ്കി​ലും രാ​ത്രി എ​ട്ടോ​ടെ മ​ര​ണം സ്ഥി​രീ​ക​രി​ച്ചു.

അ​പ​ക​ട​ത്തേ തു​ട​ർ​ന്ന് നാ​ട്ടു​കാ​ർ പ്ര​തി​ഷേ​ധം അ​റി​യി​ച്ചു. ബി​നു സോ​മ​നെ ക​ണ്ടെ​ടു​ക്കാ​നാ​യ​തോ​ടെ​യാ​ണ് പ്ര​തി​ഷേ​ധം അ​ല്പം ശ​മി​ച്ച​ത്.

ഡി​ങ്കി​ബോ​ട്ടും ആം​ബു​ല​ൻ​സുംസാ​ധാ​ര​ണം
മോ​ക്ഡ്രി​ല്ലി​നെ​ത്തി​ച്ച ഡി​ങ്കി​ബോ​ട്ടും ആം​ബു​ല​ൻ​സു​മൊ​ക്കെ സാ​ധാ​ര​ണ​മാ​യി​രു​ന്നു. ഒ​രു അ​ത്യാ​ഹി​തം പ്ര​തീ​ക്ഷി​ക്കാ​ത്തിതിനാ​ൽ കൂ​ടു​ത​ൽ സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നി​ല്ല. ആം​ബു​ല​ൻ​സി​ൽ ഓ​ക്സി​ജ​ൻ സൗ​ക​ര്യ​മോ ​പ്രാ​ഥ​മി​ക ചി​കി​ത്സ​യ്ക്കു​ള്ള സം​വി​ധാ​ന​മോ ഇ​ല്ലാ​യി​രു​ന്നു.

ഡി​ങ്കി ബോ​ട്ടി​ന്‍റെ അ​വ​സ്ഥ​യെ സം​ബ​ന്ധി​ച്ചും പ​രാ​തി​ക​ളു​ണ്ടാ​യി.‌റ​വ​ന്യു, പോ​ലീ​സ്, ഫ​യ​ർ​ഫോ​ഴ്സ്, പ​ഞ്ചാ​യ​ത്ത് എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു മോ​ക്ഡ്രി​ൽ.

പ്ര​ദേ​ശ​വാ​സി​ക​ളാ​യ നാ​ലു​പേ​രെ വെ​ള്ള​ത്തി​ൽ നി​ന്നു ര​ക്ഷ​പ്പെ​ടു​ത്തു​ന്ന രം​ഗ​മാ​ണ് ആ​വി​ഷ്ക​രി​ച്ച​ത്. നാ​ലു​പേ​രും ഒ​ന്നി​ച്ചാ​ണ് വെ​ള്ള​ത്തി​ലേ​ക്കി​റ​ങ്ങി​യ​ത്. സം​ഭ​വ​ത്തെ​ക്കു​റി​ച്ച് റ​വ​ന്യു​വ​കു​പ്പ് അ​ന്വേ​ഷ​ണം ന​ട​ത്തു​ന്നു​ണ്ട്.

ഉ​ദ്യോ​ഗ​സ്ഥ​രു​ടെ നി​ര
മോ​ക്ഡ്രി​ല്ലി​നു സാ​ക്ഷ്യം വ​ഹി​ക്കാ​ൻ ഉ​ദ്യോ​ഗ​സ്ഥ​രു​ടെ നീ​ണ്ട​നി​ര​യു​ണ്ടാ​യി​രു​ന്നു. മ​ല്ല​പ്പ​ള്ളി ത​ഹ​സീ​ൽ​ദാ​ർ പി.​എ. സു​നി​ൽ. ഡെ​പ്യൂ​ട്ടി ത​ഹ​സീ​ൽ​ദാ​ർ ഷി​ബു ജോ​ൺ, ക​ല്ലൂ​പ്പാ​റ വി​ല്ലേ​ജ് ഓ​ഫീ​സ​ർ ര​ശ്മി, മെ​ഡി​ക്ക​ൽ ഓ​ഫീ​സ​ർ ഡോ. ​മാ​യ, ക​ല്ലൂ​പ്പാ​റ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് സൂ​സ​ൻ തോം​സ​ൺ, പ​ഞ്ചാ​യ​ത്ത് സെ​ക്ര​ട്ട​റി ന​ന്ദ​കു​മാ​ർ, റാ​ന്നി ഫ​യ​ർ​സ്റ്റേ​ഷ​ൻ ഓ​ഫീ​സ​ർ കു​രു​വി​ള മാ​ത്യു, ഇ​ൻ​സി​ഡ​ന്‍റ് ക​മാ​ൻ​ഡ​ന്‍റ് ശ​ശി​ധര​ൻ, മ​ല്ല​പ്പ​ള്ളി എ​സ്എ​ച്ച്ഒ വി​പി​ൻ ഗോ​പി​നാ​ഥ്, എ​സ്ഐ ആ​ദ​ർ​ശ് തു​ട​ങ്ങി​യ​വ​രാ​ണ് സ്ഥ​ല​ത്തു​ണ്ടാ​യി​രു​ന്ന​ത്.