കിഴക്കമ്പലം: റോഡിൽ വേഗനിയന്ത്രണ സംവിധാനങ്ങളില്ലാത്തതിനാൽ അപകട ഭീതിയിൽ പള്ളിക്കര മോറക്കാല ജംഗ്ഷൻ. മോറക്കാല സെന്‍റ് മേരീസ് ഹയർസെക്കൻഡറി സ്കൂളിനു മുന്നിലെ റോഡിൽ വിദ്യാർഥികളടക്കമുള്ളവർ ഭീതിയോടെയാണ് നിൽക്കുന്നത്.
ടിപ്പറുകളും സ്വകാര്യ ബസുകളുമടക്കം നൂറു കണക്കിന് വാഹനങ്ങൾ ചീറിപ്പായുന്ന റോഡാണിത്. വിദ്യാർഥികൾക്ക് റോഡ് മുറിച്ച് കടക്കുന്നതിന് സീബ്രാലൈനുകളോ റോഡിൽ വാഹനങ്ങൾക്കായി വേഗത നിയന്ത്രണ ബോർഡുകളോ ഒന്നും തന്നെയില്ല. കൂടാതെ സ്കൂൾ സമയങ്ങളിലെങ്കിലും ട്രാഫിക് വാർഡന്‍റെ സേവനം വേണമെന്നും ആവശ്യം ഉയരുന്നുണ്ട്.
