തിരുവനന്തപുരം: ലോക്സഭാ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി ഇന്ന് തലസ്ഥാനത്തെത്തും. ഇന്നു രാത്രി 7.40ന് ആന്ധ്രപ്രദേശിൽനിന്ന് പ്രത്യേക വിമാനത്തിൽ എയർഫോഴ്‌സ് ടെക്‌നിക്കൽ ഏരിയയിൽ ഇറങ്ങുന്ന പ്രധാനമന്ത്രി രാത്രി 8ന്സെൻട്രൽ സ്റ്റേഡിയത്തിലെ പൊതുസമ്മേളനത്തിൽ സംസാരിക്കും.
തിരുവനന്തപുരം, ആറ്റിങ്ങൽ, കൊല്ലം, പത്തനംതിട്ട, ആലപ്പുഴ പാർലമെന്‍റ് മണ്ഡലങ്ങളിലെ എൻഡിഎ സ്ഥാനാർത്ഥികള്‍ യോഗത്തിൽ പങ്കെടുക്കും. രാത്രി 9.20ന് പ്രധാനമന്ത്രി തിരികെ ഡൽഹിക്ക് മടങ്ങും. തെരഞ്ഞെടുപ്പ് പ്രചാരണത്തിന്‍റെ ഭാഗമായി ഇത് രണ്ടാം തവണയാണ് നരേന്ദ്രമോദി കേരളത്തിലെത്തുന്നത്. കോഴിക്കോടായിരുന്നു ആദ്യത്തെ പ്രചാരണ പരിപാടി.
