കുരങ്ങന്‍റെ ആക്രമണത്തിൽ നിന്ന് അഞ്ച് വയസുകാരൻ രക്ഷപ്പെട്ട വീഡിയോയാണ് സോഷ്യൽ മീഡിയയിൽ വൈറലാകുന്നത്. ഉത്തർപ്രദേശിലെ മഥുരയിലാണ് സംഭവം. ആളുകളുള്ള റോഡിൽ വച്ചാണ് പകൽ സമയത്ത് കുരങ്ങുകൾ കുട്ടിയെ ആക്രമിച്ചത്.
സിസിടിവിയിൽ പതിഞ്ഞ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. കുരങ്ങുകൾ ആക്രമിക്കുമ്പോൾ കുട്ടി സ്വയം രക്ഷിക്കാൻ ശ്രമിക്കുന്നതും വീഡിയോയിൽ കാണാം. സംഭവസ്ഥലത്തുണ്ടായിരുന്നവർ ഓടിക്കൂടിയാണ് കുട്ടിയെ കുരങ്ങുകളിൽ നിന്ന് രക്ഷിച്ചത്.
വെള്ളിയാഴ്ച മഥുരയിലെ വൃന്ദാവനത്തിലാണ് സംഭവം നടന്നത്. ആക്രമണത്തിനിടെ ക്ഷേത്ര കോണിപ്പടിയിൽ നിന്ന് കുട്ടി വീണു. അവൻ എഴുന്നേറ്റു തന്‍റെ വീട്ടിലേക്ക് ഓടാൻ തുടങ്ങി, പക്ഷേ തെരുവിലെ മറ്റ് കുരങ്ങുകൾ അവനെ ആക്രമിച്ച് താഴെയിട്ടു. നാല് കുരങ്ങന്മാർ കുട്ടിയെ വലിച്ചിഴയ്ക്കാൻ ശ്രമിക്കുന്നതും വീഡിയോയിൽ കാണാം. ആക്രമണത്തിനിടെ കുരങ്ങുകളും ഇയാളെ അടിച്ച് നിലത്തിട്ടു.
ആക്രമണസമയത്ത് ഏതാനും സ്ത്രീകൾ സംഭവസ്ഥലത്തുണ്ടായിരുന്നെങ്കിലും കുട്ടിയെ സഹായിക്കാൻ അവർ അടുത്തേക്ക് എത്തിയില്ലന്നതും വീഡിയോയിൽ കാണാം. കുരങ്ങന്മാർ കുട്ടിയെ പിടിച്ചുവലിക്കുകയും ഇടിക്കുകയും ചെയ്തു. ഒടുവിൽ കുട്ടിയെ രക്ഷിക്കാൻ ഏതാനും പേർ ഓടിയെത്തി. കുരങ്ങുകളെ ഇവർ ഓടിച്ചുവിട്ടു. രക്ഷപ്പെടുത്തിയ ശേഷം കുട്ടി പെട്ടെന്ന് എഴുന്നേറ്റ് തന്‍റെ വീട്ടിലേക്ക് ഓടുന്നതും വീഡിയോയിൽ കാണാം.
मथुरा में बंदरों का आतंक, 5 साल के मासूम बच्चे पर बंदरों ने किया अटैक, स्थानीय लोगों ने दौड़कर बचाई बच्चे की जान, लाइव घटना सीसीटीवी में कैद@dmmathura7512 pic.twitter.com/nUjbATcbd0
— Pramod Kumar (@journalistpk123) July 13, 2024
