കുരങ്ങന്മാർ മനുഷ്യനെപ്പോലെ പെരുമാറുന്നതിന് പേരുകേട്ട മൃഗങ്ങളാണ്. എന്നാൽ കുരങ്ങന്മാരെ കൊണ്ടുള്ള ഉപദ്രവം ചില്ലറയല്ല. ഇത്തരത്തിൽ അതിക്രമം കാണിക്കുന്ന ഒരു കുരങ്ങന്‍റെ വീഡിയോയാണ് സോഷ്യൽ മീഡിയയിൽ ശ്രദ്ധ നേടുന്നത്. ഒരു വീടിന്‍റെ മുറ്റത്തിരുന്ന കുഞ്ഞിനെ കുരങ്ങൻ എടുത്തുകൊണ്ട് ഓടുന്നതാണ് വീഡിയോ.
കളിപ്പാട്ട ബൈക്കിലാണ് കുരങ്ങനെത്തുന്നത്. പാഞ്ഞെത്തിയ കുരങ്ങൻ നിമിഷനേരം കൊണ്ടാണ് കൊച്ചുകുഞ്ഞിനെ പിടിച്ചുവലിക്കുന്നതും അതേ വേഗത്തിൽ കുഞ്ഞിനെയും കൊണ്ട് ഓടുകയും ചെയ്യുന്നത്. നിലത്തൂടെ വലിച്ചിഴച്ചാണ് കുട്ടിയെ കുരങ്ങൻ കൊണ്ടുപോകുന്നത്. കുറച്ച് ദൂരം പോവുകയും ചെയ്തു. ഇതുകണ്ട് കുട്ടിയുടെ കൂടെയുണ്ടായിരുന്ന മറ്റ് കുട്ടികൾ ആകെ പേടിച്ചു നിന്നു.
കുരങ്ങൻ പാഞ്ഞുവരുന്നതാണ് വീഡിയോ തുടങ്ങുമ്പോൾ തന്നെ കാണുന്നത്. ഒരു വീടിന്‍റെ മുറ്റത്ത് നാല് കുട്ടികൾ ഇരിക്കുന്നത് വീഡിയോയിൽ കാണാം. ഈ കുഞ്ഞുകുട്ടിയും അതിനിടയിൽ ഇരിക്കുകയാണ്. അവിടെ നിന്നാണ് കുരങ്ങൻ കുഞ്ഞിനെ പിടിച്ചുകൊണ്ടു പോകുന്നത്. പിന്നാലെ ഒരു മുതിർന്നയാൾ വന്ന് ഒച്ചയിടുമ്പോഴാണ് കുഞ്ഞിനെ അവിടെ ഉപേക്ഷിച്ച് കുരങ്ങൻ പോകുന്നത്.
ബൈക്കിൽ എത്തിയ കുരങ്ങൻ കുഞ്ഞിനെ തട്ടിക്കൊണ്ടു പോകാൻ ശ്രമിക്കുന്നു എന്ന അടിക്കൂറിപ്പോടെയാണ് സോഷ്യൽ മീഡിയയിൽ വീഡിയോ പങ്കുവച്ചിരിക്കുന്നത്. 15.7 മില്ല്യൺ ആളുകളാണ് വീഡിയോ കണ്ടിരിക്കുന്നത്.
Monkey on a bike attempts to kidnap a child pic.twitter.com/E4mKxC3WWh
— Crazy Clips (@crazyclipsonly) March 14, 2024
