കാൽ നട യാത്രക്കാരെയും ബൈക്ക് യാത്രികനെയും കുരങ്ങൻ ആക്രമിക്കുന്നതിന്‍റെ പേടിപ്പടുത്തുന്ന സിസിടിവി ദൃശ്യങ്ങൾ പുറത്ത്. ഗുജറാത്തിലെ സുപ ഗ്രാമത്തിലാണ് സംഭവം. ആളുകൾ റോഡിൽ കൂടി പോകുമ്പോൾ പിന്നാലെ ഓടിയെത്തുന്ന കുരങ്ങൻ ഇവരെ ഇടിച്ചു നിലത്തിടുന്നതാണ് ദൃശ്യങ്ങളിൽ.
മാത്രമല്ല ബൈക്കോടിച്ചു പോകുന്ന ഒരാളെയും ഈ കുരങ്ങൻ ആക്രമിക്കുന്നുണ്ട്. റോഡിൽ കൂടി നടന്നു പോകുന്ന ഒരു വൃദ്ധ കുരങ്ങന്‍റെ ആക്രമണത്തിൽ നിലത്തുവീണ് അനക്കമില്ലാതെ കിടക്കുന്നതും ഈ വീഡിയോയിൽ കാണാം. പ്രദേശവാസികൾക്ക് ഭീഷണിയായ ഈ കുരങ്ങനെ പിടികൂടിയോ എന്നത് വ്യക്തമല്ല.
