ആലപ്പുഴ: പുരാവസ്തു തട്ടിപ്പ് കേസ് പ്രതി മോൻസൺ മാവുങ്കലിന് സഹായം നല്‍കിയെന്ന ആരോപണം നേരിടുന്ന ചേർത്തല സിഐയെ സ്ഥലം മാറ്റി. സിഐ പി. ശ്രീകുമാറിനെ പാലക്കാ‌ട് ക്രൈംബ്രാഞ്ചിലേക്കാണ് സ്ഥലം മാറ്റിയത്.
സംസ്ഥാന പോലീസ് തലപ്പത്തെ അഴിച്ചുപണിക്ക് പിന്നാലെ ഇൻസ്‌പെക്ടർമാരുടെ സ്ഥലംമാറ്റ ഉത്തരവും പുറത്തുവന്നിരുന്നു. ഈ ഉത്തരവിലാണ് ശ്രീകുമാറിന്‍റെ ഉത്തരവും ഉൾപ്പെട്ടിരിക്കുന്നത്.
നേരത്തേ, മോൻസണും ചേർത്തല സിഐയും തമ്മില്‍ ഉറ്റബന്ധത്തിന് തെളിവായി ഫോണ്‍ സംഭാഷണം പുറത്തുവന്നിരുന്നു.
മോൻസണിനെതിരെ പരാതിപ്പെട്ട യുവതിയെ സിഐ ഭീഷണിപ്പെടുത്തി. ഇക്കാര്യങ്ങളെല്ലാം മോന്‍സണിനോട് ഫോണില്‍ പറയുന്നതാണ് പുറത്തുവന്നത്.
